વાપી: સમાજિક સંસ્થા અને DIGPના પત્નીના સહયોગથી વિધવા મહિલાઓને સાડી અને મીઠાઈનું વિતરણ કરાયું

વાપીના ગાયત્રી પરિવાર દ્વારા દર વર્ષે દિવાળીના તહેવાર નિમિત્તે હરીશભાઇ પટેલ તેમજ તેમના મિત્ર વર્તુળ દ્વારા કપરાડા તાલુકાના અંતરિયાળ વિસ્તારોમાં વસવાટ કરતી વિધવા બહેનો માટે સાડી અને મીઠાઈના પેકેટનું વિતરણ કરવામાં આવે છે. જેને અનુલક્ષીને આ વર્ષે પણ કપરાડા તાલુકાના બાબરખડક ગામે 50થી વધુ બહેનોને સાડી અને મીઠાઇઓનું વિતરણ કરવામાં આવ્યું હતું.

• કપરાડા-ધરમપુરમાં વિધવા મહિલાઓને સાડી અને મીઠાઈનું વિતરણ
• સામાજિક સંસ્થાઓ, ગાયત્રી પરિવાર તેમજ DIGPના પત્નીના સહયોગથી આયોજન
• વિધવા મહિલાઓને કરવામાં આવી સહાય

વાપી: વાપીની સામાજિક સંસ્થા, ગાયત્રી પરિવાર અને DIGP ના ધર્મપત્ની બીનાબેન હસમુખભાઈ પટેલના પરિવાર તરફથી કપરડાના બાબર ખડક ગામની 50 થી વધુ વિધવા મહિલાઓને સાડી અને મીઠાઈનું વિતરણ કરવામાં આવ્યું હતું. આ આયોજનમાં વાપીમાં સેવાકીય પ્રવૃત્તિઓ કરતા વેપારી હરીશભાઈએ પણ યોગદાન આપ્યું હતું.

વિધવા મહિલાઓને સાડી અને મીઠાઈનું વિતરણ કરાયું

વિધવા મહિલાઓની જ કેમ પસંદગી ?

વાપીમાં સામાન્ય પેઇન્ટિંગની દુકાનથી શરૂ કરી હાલ પેઇન્ટિંગ અને બેનર ક્ષેત્રે મોટું નામ ધરાવતા હરિશભાઇનું માનવું છે કે આદિવાસી સમાજના પરિવારો આર્થિક રીતે નબળા હોય છે, અને એમાં પણ વિધવા બહેનો કે જેઓ પોતાના ઘરમાં એકમાત્ર કમાનાર હોય છે તેઓ દિવાળીના સમયે તહેવારની ઉજવણી યોગ્ય રીતે કરી શકતા નથી.

સામાજિક સંસ્થા અને DIGP ના ધર્મપત્નીના સહયોગથી કપરડા-ધરમપુરની વિધવા મહિલાઓને સાડી અને મીઠાઈનું વિતરણ

બહેનોને મીઠાઈ અને સાડીનું વિતરણ

ત્યારે આવી વિધવા બહેનો માટે હરીશભાઇ અને ગાયત્રી પરિવાર દ્વારા દર વર્ષે કપરાડા તાલુકાના વિવિધ ગામોમાં મીઠાઈ અને સાડીનું વિતરણ કરવામાં આવે છે જેને અનુલક્ષીને નાનાપોંઢા નજીક આવેલા બાબરખડક ગામે 50થી વધુ બહેનોને મીઠાઈ અને સાડીનું વિતરણ કરવામાં આવ્યું હતું.

કાર્યક્રમમાં મહાનુભાવોની હાજરી

આ પ્રસંગે વાપીથી આવેલા અન્ય દાતાઓ સુરેન્દ્ર અગ્રવાલ, નરેશભાઈ હળપતિ, ખુશાલભાઈ વાઢું (પૂર્વ સૈનિક) ગુલાબભાઈ રાઉત, મંગુભાઈ પટેલ, રમતુભાઈ ચૌધરીએ પણ આયોજનમાં યોગદાન આપ્યું હતું. કાર્યક્રમમાં મોટી સંખ્યામાં આદિવાસી સમાજની વિધવા મહિલાઓ ઉપસ્થિત રહી હતી.