ધરમપુરની સોમવારી બજારમાં સોશિયલ ડિસ્ટન્સના ધજાગરા ઉડ્યા

ધરમપુરમાં સોમવારના રોજ ભરાતા હાટ બજારમાં ETV BHARATની ટીમ દ્વારા રિયાલીટી ચેક કરવામાં આવ્યું હતું. જેમાં સોશિયલ ડિસ્ટન્સના ધજાગરા જોવા મળ્યા હતા.

• સોમવારી બજારમાં ETV BHARAT દ્વારા કરાયું રિયાલીટી ચેક
• બજારમાં સોશિયલ ડિસ્ટન્સના ઉડ્યા ધજાગરા
• ખરીદી કરવા 30થી વધુ ગામના લોકો આવે

વલસાડ: સમગ્ર રાજ્યમાં કોરોના સંક્રમણ વધી રહ્યું છે. જેને અટકાવવા સરકાર દ્વારા કોરોના ગાઈડલાઈન બહાર પાડી છે. આમ છતાં અમૂક પ્રકારના લોકો કોરોના ગાઈડલાઈનનો ભંગ કરતા હોય છે, ત્યારે ETV BHARATની ટીમ દ્વારા ધરમપુરના હાટ બજારમાં રિયાલીટી ચેક કરવામાં આવ્યું હતું. જેમાં સોશિયલ ડિસ્ટન્સનો ભંગ જોવા મળ્યો હતો. ઉલ્લેખનીય છે કે, આ બજારમાં વેચાણ કરવા આવનારા વેપારીઓ માટે તંત્ર દ્વારા ચૂનાના પટ્ટા મારીને વેચાણ કરવાની વ્યવસ્થા કરવામાં આવી છે. આમ છતાં વધુ નફો કમાવવાની લાલચે વેપારીઓ ગ્રાહકો પાસે સોશિયલ ડિસ્ટન્સનું પાલન કરાવતા નથી.

ગ્રાહકો સોશિયલ ડિસ્ટન્સને ઘોળીને પી ગયા

વેપારીઓની આર્થિક સ્થિનિને ધ્યાનમાં રાખી ધરમપુર પ્રાંત અધિકારીએ દરબારગઢમાં વિશેષ ચૂનાના પટ્ટા મારવાની વ્યવસ્થા કરી છે, પરંતુ ખરીદી કરવા આવનારા ગ્રાહકો સોશિયલ ડિસ્ટન્સનું ભાન ભૂલ્યા છે.

ધરમપુરની સોમવારી બજારમાં સોશિયલ ડિસ્ટન્સના ધજાગરા ઉડ્યા

ગ્રાહકોની ભીડ જોવા મળી

ધરમપુરના સોમવારી બજારમાં સોશિયલ ડિસ્ટન્સ સાથે વેપારીઓએ વેપાર-ધંધો શરૂ કર્યો હતો, પરંતુ વહેલી સવારથી અહીં ખરીદી કરવા આવનારા લોકો કોરોના ગાઈડલાઈનનું ભાન ભૂલ્યા હતા. જેથી આ બજારની અનેક દુકાનોમાં ગ્રાહકોની ભીડ જોવા મળી હતી.