પારડી પોલીસ દ્વારા પારડી નગરમાં આવેલી સ્કૂલના વિદ્યાર્થીઓ સાથે 31 માર્ગ સલામતી સપ્તાહ અંતર્ગત વાહનચાલકોમાં જાગૃતિ આવે તેવા હેતુથી એક વિશેષ રેલીનું આયોજન કરવામાં આવ્યું હતું. આ રેલી પારડી નગરના વિવિધ વિસ્તારોમાં ફરી હતી અને માર્ગ ઉપરથી આવતા જતા વાહન ચાલકો વાહન ચલાવતી વખતે ટ્રાફિકના રુલ્સ ફોલો નહીં કરતા હોય એવા લોકોને પોતાની સુરક્ષા માટે ટ્રાફિકના રોજ બન્યા છે અને આ નિયમો અને તમામ લોકોએ પાળવા જોઈએ તેવા સુચનો પણ કર્યા હતા. આ સાથે સાથે માર્ગ ઉપરથી પસાર થનારા જે વાહન ચાલકો ટ્રાફિકના નિયમો પાળી માથા ઉપર હેલ્મેટ પહેર્યું હોય એવા તમામ વાહન ચાલકોને ગુલાબનું ફૂલ આપીને સન્માનિત કર્યા હતા.
ટ્રાફિકના નિયમો પાળવા માટે તેમનો આભાર વ્યક્ત કર્યો હતો અને એવું પણ કહ્યું હતું કે, ટ્રાફિકના નિયમો વાહનચાલકોની સુરક્ષા માટે જ બનાવવામાં આવ્યા છે અને તમામ લોકોએ આ નિયમોને પાળવા જોઈએ વિવિધ સ્કૂલના વિદ્યાર્થીઓએ પણ ટ્રાફિકના નિયમોને પાળવા માટે અનેક લોકોને સૂચન કર્યું હતું.
આ કાર્યક્રમની ઉજવણી દરમિયાન રેલીમાં પારડીના પોલીસ સબઇન્સ્પેક્ટર એસ.બી.ઝાલા બાળકો સાથે જોડાયા હતા અને તેમણે પણ વાહન ચાલકોને ટ્રાફિકના નિયમોને અનુલક્ષીને ચાલવા માટે સૂચનો કર્યાં હતાં. સાથે સાથે મકરસંક્રાંતિ પર્વને લઇને સ્કૂલના વિદ્યાર્થીઓને પતંગોનું પણ વિતરણ કરવામાં આવ્યું હતું.
