'જીતો બાઝી ખેલ કે'... પ્રખ્યાત સિંગર આતિફ અસલમના અવાજમાં ચેમ્પિયન્સ ટ્રોફી 2025નું ઓફિશિયલ સોંગ રીલીઝ

ICC એ ચેમ્પિયન્સ ટ્રોફી 2025 નું સત્તાવાર ગીત 'જીતો બાઝી ખેલ કે' રિલીઝ કર્યું છે, જેને પ્રખ્યાત પાકિસ્તાની સિંગર આતિફ અસલમે અવાજ આપ્યો છે.

હૈદરાબાદ: ICC ચેમ્પિયન્સ ટ્રોફી 2025ને લઈને ક્રિકેટ ચાહકોમાં દીવસે ને દીવસે ઉત્સાહ વધી રહ્યો છે, ભારતમાં ઘણા ફેમસ ગીતોનો અવાજ આપનાર એવા પાકિસ્તાની સિંગર આતિફ અસલમની અવાજમાં સત્તાવાર ગીત રિલીઝ કરીને આ ઉત્સાહમાં વધુ ઉમેરો કર્યો છે.

આતિફે અસલમે 'જીતો બાઝી ખેલ કે' નામનું એક ટુર્નામેન્ટ ગીત ગાયું છે. જેમાં તે ડાન્સ કરતો પણ જોવા મળી રહ્યો છે. ICC એ તાજેતરમાં આ ગીત રિલીઝ કર્યું છે, જેનાથી ચેમ્પિયન્સ ટ્રોફીના આગામી સંસ્કરણની ચર્ચામાં વધુ વધારો થયો છે.

The wait is over! 🎉

Sing along to the official song of the #ChampionsTrophy, Jeeto Baazi Khel Ke, featuring the master of melody @itsaadee 🎶🏆 pic.twitter.com/KzwwylN8ki

— ICC (@ICC) February 7, 2025

ચેમ્પિયન્સ ટ્રોફીનું સત્તાવાર ગીત:

પાકિસ્તાનના પ્રખ્યાત સિંગર આતિફ અસલમના ભારત અને પાકિસ્તાન બંનેમાં ઘણા ચાહકો છે. બોલિવૂડમાં પ્લેબેક સિંગર તરીકેના તેમના કામની દેશમાં ખૂબ પ્રશંસા થાય છે. તેમના કેટલાક સૌથી લોકપ્રિય હિટ ગીતોમાં આદત (કલયુગ), પહેલી નજર મેં અને અલ્લાહ દુહાઈ (રેસ), તેમજ દિલ દિયાં ગલ્લાં (ટાઈગર ઝિંદા હૈ)નો સમાવેશ થાય છે.

ચેમ્પિયન્સ ટ્રોફીની આયોજન:

8 વર્ષ બાદ ચેમ્પિયન્સ ટ્રોફીનું આયોજન થઈ રહ્યું છે, છેલ્લે 2017માં ઈંગ્લેન્ડ દ્વારા ટુર્નામેન્ટનું આયોજન કરવામાં આવ્યું હતું. ડિફેન્ડિંગ ચેમ્પિયન પાકિસ્તાન આ ટુર્નામેન્ટનું આયોજન કરશે, જ્યારે UAE સહ-યજમાન હશે. પાકિસ્તાનમાં જ બધી મેચોનું આયોજન કરવાનું હતું, પરંતુ ભારતીય ટીમે સુરક્ષાના કારણોસર ટુર્નામેન્ટ માટે પાકિસ્તાન જવાનો ઇનકાર કર્યો હતો. પરિસ્થિતિને ધ્યાનમાં રાખીને ICC દ્વારા તેનું સમાધાન કરવામાં આવ્યું અને એ વાત પર સંમત થયા કે હાઇબ્રિડ મોડેલ હેઠળ UAE ભારતની બધી મેચોનું આયોજન કરશે. એટલે કે જો ભારત સેમિફાઇનલ અને ફાઇનલમાં પહોંચે છે, તો તે તેની મેચ દુબઈમાં રમશે.

The official anthem of ICC Men's Championship Trophy 2025 - Pakistan is out now. https://t.co/p5tyXgpfiJ

Atif Aslam - Borderless World Latest Tracks:-

Peeran: https://t.co/n557OhHjM1

Umeedon Ki: https://t.co/MvR60Mv0Nv

Channa: https://t.co/sUW9ZlvxLe#AtifAslam #Aadeez…

— Atif Aslam (@itsaadee) February 7, 2025

આ તારીખથી શરૂ થશે ચેમ્પિયન્સ ટ્રોફી 2025

ચેમ્પિયન્સ ટ્રોફી 2025 19 ફેબ્રુઆરી થી 9 માર્ચ, 2025 દરમિયાન યોજાશે. સત્તાવાર ગીત જાહેર થવાથી આ ટુર્નામેન્ટ પ્રત્યે ચાહકોનો ઉત્સાહ વધી ગયો છે. કરાચીમાં પાકિસ્તાન અને ન્યુઝીલેન્ડ વચ્ચે મેચ હશે એવામાં ચાહકો ભારત-પાકિસ્તાન મેચની આતુરતાથી રાહ જોશે.

ICC Unveils Champions Trophy 2025 Anthem, Sung by Atif Aslam

For Detailhttps://t.co/PaJaPb4FJ3#ICC #champion #trophy #anthem #atifaslam #sung #tti pic.twitter.com/xPE4e4uDA7

— The Truth International (@ttimagazine) February 7, 2025

ચેમ્પિયન્સ ટ્રોફીનું સંપૂર્ણ શેડ્યૂલ:

• 19 ફેબ્રુઆરી- પાકિસ્તાન - ન્યુઝીલેન્ડ, કરાચી
• 20 ફેબ્રુઆરી- ભારત - બાંગ્લાદેશ, દુબઈ
• 21 ફેબ્રુઆરી- અફઘાનિસ્તાન - દક્ષિણ આફ્રિકા, કરાચી
• 22 ફેબ્રુઆરી- ઓસ્ટ્રેલિયા - ઈંગ્લેન્ડ, લાહોર
• 23 ફેબ્રુઆરી- પાકિસ્તાન - ભારત, દુબઈ
• 24 ફેબ્રુઆરી- બાંગ્લાદેશ - ન્યુઝીલેન્ડ, રાવલપિંડી
• 25 ફેબ્રુઆરી- ઓસ્ટ્રેલિયા - દક્ષિણ આફ્રિકા, રાવલપિંડી.
• 26 ફેબ્રુઆરી- અફઘાનિસ્તાન - ઈંગ્લેન્ડ, લાહોર.
• 27 ફેબ્રુઆરી- પાકિસ્તાન - બાંગ્લાદેશ, રાવલપિંડી.
• 28 ફેબ્રુઆરી- અફઘાનિસ્તાન - ઓસ્ટ્રેલિયા, લાહોર.
• 1 માર્ચ - દક્ષિણ આફ્રિકા - ઈંગ્લેન્ડ, કરાચી.
• 2 માર્ચ- ન્યુઝીલેન્ડ - ભારત, દુબઈ.
• 3 માર્ચ- પેનાન્થ્યા ફેરી 1, દુબઈ
• 5 માર્ચ- પેનાન્ત્યા ફેરી 2, લાહોર
• 9 માર્ચ- ફાઈનલ- લાહોર/દુબઈ.

ચેમ્પિયન્સ ટ્રોફી 2025 જૂથ

• ગ્રુપ A - પાકિસ્તાન, ભારત, ન્યુઝીલેન્ડ, બાંગ્લાદેશ
• ગ્રુપ B - ઓસ્ટ્રેલિયા, અફઘાનિસ્તાન, ઈંગ્લેન્ડ, દક્ષિણ આફ્રિકા

આ પણ વાંચો: