પુનાથી ૩૨ જેટલા મુસાફરો ભરીને અમદાવાદ તરફ જઇ રહેલી પટેલ ટ્રાવેલ્સની લક્ઝરી બસ પારડીના ખડકી પાસે પૂરપાટ ઝડપે પસાર થઈ રહી હતી. ત્યારે આગળનું ટાયર ફાટી જતાં ચાલકે કાબૂ ગુમાવ્યો અને લક્ઝરી ડિવાઇડર કૂદી અને સામેના ટ્રેક ઉપર ચાલી ગઇ હતી અને સામેના ટ્રેક ઉપરથી પુરપાટ ઝડપે અત્યંત જ્વલનશીલ કેમિકલ ભરીને આવતું એક ટેન્કર સાથે અકસ્માત સર્જાયો હતો. જોકે આ અકસ્માતમાં ટેન્કરમાંથી કોઇ કેમિકલ લીક થયું ન હતું. જેના કારણે મોટી હોનારત ટળી હતી.
પરંતુ ધડાકાભેર ટેન્કર સાથે લક્ઝરી બસ ભટકાતા લક્ઝરીના ચાલક પ્રદીપ પટેલ રહે ડૂંગરપુર રાજસ્થાનીનું કેબિનમાં દબાઇ જવાના કારણે સ્થળ ઉપર જ મોત થયું હતું. મૃતકની બોડીને બહાર કાઢવા માટે ટ્રેનની મદદ લેવાની ફરજ પડી હતી અને કલાકની જહેમત બાદ ક્રેન વડે પતરું ખેંચી મૃતકની બોડી બહાર કઢાઇ હતી તો આ સમગ્ર અકસ્માત વહેલી પરોઢિયે થતા મોટાભાગના મુસાફરો લક્ઝરીમાં નીંદર માણી રહ્યા હતા.
