વલસાડ શહેરના સાંઈલીલા મોલના કાસા સ્પા એન્ડ બોડી મસાજ પાર્લરમાં ગઈ કાલે પોલિસે રેડ પાડી હતી. જેમાં પોલીસે ત્રણ થાઈલેન્ડની મહિલાઓ, સંચાલિકા અને અન્ય બે મહિલાઓ ઝડપી હતી. દેહવિક્રયના વ્યવસાય સાથે જોડાયેલી મહિલાઓને પોલીસે વલસાડ કોર્ટમાં રજૂ કરી હતી. કોર્ટે તેમના જામીન નામંજૂર કરી તમામને જ્યુડિશિયલ કસ્ટડીમાં ધકેલી દીધી હતી. પોલીસે સ્પામાં ગ્રાહક તરીકે ગયેલા બે યુવકોના સાક્ષી તરીકે નિવેદન લીધા હતાં.
વલસાડના સ્પામાં પકડાયેલી યુવતીઓને કોર્ટે જ્યુડિશિયલ કસ્ટડીમાં ઉતારી
આ ઘટનામાં નવાઈની વાત એ છે કે, સ્પાની માલીક તેના પતિથી સમગ્ર બાબત છુપાવીને આ ગોરખધંધો ચલાવતી હતી. પરંતુ પોલીસ કાર્યવાહીથી પત્નીની હકીકત સામે આવતા તેના પતિ પણ ચોંકી ઉઠયા હતાં.
