વલસાડ : પારડી તાલુકાના તરમાલિયા ગામે આવેલા ભેંસ ફળિયામાં રહેતા યુવાનો દ્વારા એટલે કે, જનસેવા ગ્રુપના યુવકો દ્વારા ગિલોયના વેલમાંથી બનવવામાં આવેલ સંશમનીવટી 3 લાખ જેટલી બનાવી નિઃશુલ્ક વિવિધ ગામોમાં વિતરણ કરવામાં આવ્યું હતું. જે મુજબ વલસાડથી 90 કિલોમીટર દૂર આવેલા કોબા ગામમાં સ્થિત લોક મંગલમ ચેરીટેબલ ટ્રસ્ટના સાનિધ્યમાં વિશ્વ યોગા દિવસ તેમજ ત્રણથી ચાર હજાર જેટલી ગોળીઓ નજીકના આવેલા ગામોમાં ફરીને લોકોને નિશુલ્ક આપવામાં આવી હતી. જેથી કરીને કોરોના રોગથી લોકોને બચાવી શકાય.
જ્યારે લોક મંગલમ ચેરીટેબલ ટ્રસ્ટના સાનિધ્યમાં તેમના સંચાલક નિલમભાઈ પટેલના નેતૃત્વમાં વિશ્વ યોગ દિવસની પણ ઉજવણી કરવામાં આવી હતી. વહેલી સવારે જનસેવા ગ્રુપ તરમાલિયાના ડૉ. પ્રતીક પટેલ, ડૉ.વિરલ પટેલ, ડૉ.પાર્થ પટેલ, બાલકૃષ્ણ પટેલ, તેમજ લોકમંગલમ ચેરીટેબલ ટ્રસ્ટના નિલમ પટેલ અને તેમની ટીમ આ સેવા કાર્યમાં જોડાઈ હતી.
નોંધનીય છે કે, વલસાડ જિલ્લાના વિવિધ ગામોમાં જનસેવા ગ્રુપ તરમાલિયા દ્વારા નિઃશુલ્ક સંશમનીવટી 3 લાખ જેટલી ગોળીઓ સ્વંય બનાવી વિતરણ કરવામાં આવ્યું હતું.
