વલસાડઃ શહેરના પોશ વિસ્તાર ગણાતા તિથલ રોડ પર આવેલી એક જાણીતી સોસાયટીમાં રહેતા 12 વર્ષીય બાળકને જે ધોરણ ૭ માં અભ્યાસ કરે છે. તેની સોસાયટીમાં રહેતા પાડોશીએ સ્કૂલેથી પોતાની કારમાં બેસાડી લાવી માર્ગમાં તેની સાથે શારીરિક અડપલા કર્યા હોવાની વાત ટોક ઓફ ધ ટાઉન બની છે. સાથે આરોપીએ કડક સજા ફટકારવાની લોકમાગ પ્રબળ બની છે.
આ સમગ્ર બાબતની જાણકારી આ બાળકે તેની માતાને કરતા માતા પણ ચોંકી ઉઠી હતી. જો કે આ વાતની ખરાઈ કરવા માટે તેની માતાએ પાડોશી સાથે વાતચીત કરવા જતા તેઓએ ઝઘડો પણ કર્યો હતો. ત્યારબાદ પાડોશી આ બાળકની સ્કૂલના ગેટ પાસે પહોંચી બાળકને એવું જણાવતા મળ્યું હતું.
મળતી માહિતી પ્રમાણે, આ બાળક સાથે વધુ કોઈ ઘટના ન બને તે માટે માતાએ SP સમક્ષ બાળકનું નિવેદન આપ્યું હતું. જેમાં તેમણે શારીરિક અડપલા બાબતે તેમની સોસાયટીમાં રહેતા પાડોશી સામે પોલીસ ફરિયાદ નોંધાવી છે. સાથે જ પોલીસે સોસાયટીમાં રહેતા જતીન ચૌહાણ અને દેવાંશુ પટેલ નામના પાડોશી સામે ગુનો દાખલ કરી તેમની ધરપકડ કરી છે.
નોંધનીય છે કે, આ બંને આરોપીઓ ભોગ બનેલા બાળકની સોસાયટીમાં જ રહે છે અને અવારનવાર આ બાળક તેમના ઘરે પણ રમવા માટે જતો હતો. બાળક સાથે થયેલા શારીરિક અડપલાને ધ્યાને રાખી કોઈ મોટી ઘટના ન બને તે માટે માતા એ વલસાડ સિટી પોલીસ મથક માં પોલીસ ફરિયાદ કરી છે
