ધરમપુર નજીકના એક ગામની 17 વર્ષીય સગીરા જેને ખેરગામ વિસ્તારના યુવક સાથે પ્રેમ સંબંધ હતો. પરંતુ યુવકના લગ્ન બીજે નક્કી થઈ જતા ગત કેટલાક દિવસથી પીડિતાએ તેના પ્રેમી સાથે વાત કરવાનું બંધ કરી દીધું હતું.
સગીરાને તેના પ્રેમીએ તારીખ 7ના રોજ રાત્રે તેના ઘરની નજીકમાં બોલાવી હતી. પીડિતા તેના આરોપી પ્રેમીને મળવા પહોંચી, ત્યારે પ્રેમીએ જબરદસ્તી તેના 3 મિત્રો સાવન નાયકા, સહદેવ નાયકા અને જીજ્ઞેશ નાયકા સાથે મળી સગીરા પર દુષ્કર્મ આચર્યું હતું.
પીડિતા મોડી રાત્રિ સુધી ઘરે ન પહોંચતા તેના પરિવાર દ્વારા શોધખોળ શરૂ કરવામાં આવી હતી. દરમિયાન પીડિતા ઝાડીમાં નિર્વસ્ત્ર હાલતમાં આક્રંદ કરતી મળી આવી હતી. પીડિતાએ સમગ્ર ઘટના અંગે તેની માતાને કહેતા માતાએ ધરમપુર પોલીસ મથકમાં ફરિયાદ નોંધાવી હતી. આ સંદર્ભે ધરમપુર પોલીસે 4 નરાધમો વિરુદ્ધ કલમ 376 અને પોક્સો એકટ હેઠળ ગુન્હો નોંધી આરોપીની ધરપકડક કરવા પોતાના ચક્રો ગતીમાન કર્યા છે.
