વાપીમાં નેશનલ હાઇવે પર સર્જાયો ગમખ્વાર અકસ્માત, એકનુ મોત

વાપી: બલીઠા બ્રહ્મદેવ મંદિર સામે નેશનલ હાઇ વે નં-48 પર ગમખ્વાર અકસ્માત સર્જાયો હતો. જેમાં એક વ્યક્તિનુ મોત થયુ હતુ. પૂરઝડપે આવતા ટ્રકે રાહદારીને અડફેટે લેતા રાહદારીનું ઘટના સ્થળે જ કમકમાટી ભર્યુ મોત થયું હતું. જ્યારે અન્ય એક કારને પણ ટક્કર મારતા કારચાલક રસ્તાની બાજુમાં ફેંકાઈ ગયો હતો.

બલીઠા બ્રહ્મદેવ મંદિર સામે નેશનલ હાઇવે પર પૂરઝડપે આવેલા ટ્રક ચાલકે રાહદારીને અડફેટે લેતા રાહદારીનું ઘટના સ્થળે જ કમકમાટી ભર્યુ મોત થયું હતું. ટ્રક ચાલકે આ સાથે એક કારને પણ ટક્કર મારતા કારચાલક પણ રસ્તાની બાજુમાં ફેંકાઈ ગયો હતો. અકસ્માત બાદ ટ્રક ચાલક ઘટના સ્થળેથી ફરાર થઈ ગયો હતો.

આ ઘટના બાદ કલાકો સુધી રાહદારીનો મૃતદેહ હાઇવે પર પડી રહ્યો હતો. જેના કારણે હાઈવેની બંને તરફ ટ્રાફિક જામ સર્જાયો હતો. છતાં પોલીસનો એક પણ કર્મચારી ત્યાં પહોંચ્યો ન હતો. લાંબા સમય બાદ આખરે ટ્રાફિક પોલીસે ઘટનાસ્થળે પહોંચી હતી અને ટ્રાફિક વ્યવહાર ખુલ્લો કર્યો હતો.ત્યારબાદ એમ્બ્યુલન્સ મારફતે રાહદારીના મૃતદેહને પોસ્ટ મોર્ટમ માટે હોસ્પિટલમાં મોકલીને અજાણ્યા વાહન ચાલક વિરુદ્ધ અકસ્માતનો ગુનો નોંધવાની તજવીજ હાથ ધરાઈ હતી.