ગુજરાત સહિત મહારાષ્ટ્રનાં કેન્દ્રીય સાહસોની સુરક્ષા સંભાળતા CIAFના જવાનો માટે વડોદરાના ગુજરાત રિફાઇનરી યુનિટ દ્વારા 6ઠ્ઠી ઇન્ટર યુનિટ વોલીબોલ સ્પર્ધાનું આયોજન કરવામાં આવ્યું. વડોદરા યુનિટના કમાડન્ટ વી.કે. કક્કડ તેમજ ગુજરાત રિફાઇનરીનાં માર્કેટિંગ વિભાગના સીજીએમ અનીલ કુકરેજાએ 6ઠ્ઠી ઇન્ટર યુનિટ વોલીબોલ સ્પર્ધા ખુલ્લી મુકી હતી.
વડોદરા ખાતે યોજાયેલ વોલીબોલ સ્પર્ધાના આવેલ 8 યુનિટના 60 જેટલા ખેલાડીઓએ ટીમ સાથે પરેડ યોજી હતી. ઉપસ્થિત મહેમાનોએ જવાનો દ્વારા કરવામાં આવેલ પરેડની સલામી ઝીલી હતી, ત્યારે બાદ સ્પર્ધાની શપથ લેવડાવ્યા બાદ સ્પર્ધા ખુલ્લી મુકી હતી. જે બાદ બંને મહેમાનોએ તમામ ખેલાડીઓને સ્પર્ધામાં ભાગ લેવા બદલ શુભેચ્છા પાઠવી હતી. સ્પર્ધાનો પ્રારંભ મહેમાનોએ ખેલાડીઓની ઓળખ વિધિ બાદ વોલીબોલની રિબિન કાપીને કર્યો હતો. બંને મહેમાનોએ વોલીબોલની સર્વિસ કરાવીને સ્પર્ધાનો શુભારંભ કરાવ્યો હતો.
