વડોદરા : કોરોના વાઈરસની મહામારીને લઈને 21 દિવસનું લોકડાઉન જાહેર કરવામાં આવ્યું છે. દિવસેને-દિવસે કોરોનાં પોઝિટિવ કેસો સામે આવી રહ્યા છે. વડોદરામાં પણ પોઝિટિવ આંક 77 પર પહોંચ્યો છે. જેના પગલે તંત્ર દ્વારા હાલ, યુદ્ધના ધોરણે કામગીરી કરવામાં આવી રહી છે. તો બીજી તરફ શહેરના પાંજરાપોળમાં રખાયેલા ઢોરો પણ લોકડાઉનના ગ્રહણમાં સપડાયા છે.
શનિવારે શહેરના પ્રતાપનગર લાલબાગ ઢોરવાળામાં એક ગાયનું મોંત નીપજ્યુ હતું. જેને લઈ ગૌ ગોપાલક વિશાલ રબારીએ લોકડાઉનને લઈ પશુઓને ઘાસચારો નહીં મળતો હોવાથી મોતને ભેટી રહ્યા હોવાના આક્ષેપ કર્યા છે.
