આ મામલે મળતી માહિતી મુજબ વાઇરલ ઓડિયોના આધારે સ્વરા લેબમાં પાદરાના તાલુકા આરોગ્ય અધિકારી ટીમે સ્વરા લેબમાં તપાસ ચલાવી હતી, પરંતુ તેના માલિક હાજર ન હતા. એક કર્મચારી જે સેમ્પલ લેવા બેઠા હતા તેમની પાસે લેબ લાઇસન્સ માગતા મળી આવ્યું ન હતું. તેન માલિક જૈમિન શાહનો સંપર્ક પણ થઇ શક્યો નથી. આરોગ્ય અધિકારીઓએ પોલીસને બોલાવી યોગ્ય ડિગ્રીના અભાવે લેબને સીલ મારી હતી અને વડુ પોલીસમાં અરજી આપી હતી. જે બાદ ત્રણ દિવસ પહેલા સ્વરા લેબના માલિક જૈમિન શાહ પોતાની પાસે ડિગ્રી ન હોવાનો સ્વીકાર કર્યો હતો. તેમની સામે પોલીસ ફરિયાદ નોંધાઇ હતી અને વડુ પોલીસે જૈમિનની ધરપકડ પણ કરી છે.
જો કે, ઓડિયો ક્લિપમાં ડોક્ટર સાથે વાત કરનાર સચિન જોષી હજૂ ફરાર છે. હાલ તો સમગ્ર મામલે પોલીસે જૈમિન શાહની પૂછપરછ શરૂ કરીને આગળની કાર્યવાહી હાથ ધરી છે અને ફરાર સચિનને પકડવા ચક્રો ગતિમાન કર્યા છે.
