વડોદરા: જિલ્લાના સાવલીના વાંકાનેર ગામે રહેતાં એક વ્યક્તિને કોરોનાનો રિપોર્ટ પઝિટિવ આવ્યો છે. આ સાથે જ આ તાલુકામાં પોઝિટિવ કેસોની સંખ્યા 7 પર પહોંચી છે.
વડોદરા શહેરમાં કોરોનાના દર્દીઓની સંખ્યા દરરોજ વધી રહી છે અને નવા વિસ્તારો પણ કોરોનાની ઝપેટમાં આવી રહ્યા છે. ત્યારે શહેર નજીક આવેલા સાવલી તાલુકાના વાંકાનેર ગામે મારુતિ ફળિયામાં રહેતાં એક વ્યક્તિને કોરોનાં રિપોર્ટ પોઝિટિવ આવ્યો હતો.
જેને લઈને સાવલીની આરોગ્યની ટીમ દ્વારા સાવચેતીના પગલા રૂપે કાર્યવાહી હાથ ધરાઈ હતી.
વાંકાનેરમાં રહેતા વ્યક્તિ વડોદરા નોકરી કરતાં હતા. તેઓ વડોદરા અવરજવર કરતાં હતાં. સાવલી તાલુકામાં કોરોનાનો એક વધુ કેસ સામે આવતા પોઝિટિવ કેસોની સંખ્યા 7 પર પહોંચી ગઈ છે.
