વડોદરા વનવિભાગે તળાવ વચ્ચે આવેલા ઝાડ પર ફસાયેલા વાનરને બચાવી રેસ્કયુ કર્યુ

વડોદરા: જિલ્લાના સિનોરમાં તળાવ વચ્ચે આવેલા ઝાડ પર વાનર ફસાઈ ગયા હતા. જેને વનખાતાના કર્મચારીઓએ ભારે જહેમત બાદ રેસક્યુ કરી બચાવી લીધા હતા.

મળતી માહિતી મુજબ વડોદરા જિલ્લામાં ચાર દિવસ અગાઉ ભારે વરસાદને કારણે શિનોર તાલુકાના વણિયાદ ગામે આવેલા તળાવમાં પાણીની આવક થયાના કારણે તળાવમાં પાણી આવે તે અગાઉ તળાવની વચ્ચે આવેલા ઝાડમા કેટલાક વાંદરાઓએ આશરો લીધો હતો. તે વાંદરા તળાવનું પાણી વધવાને કારણે ફસાઈ ગયા હતા.

બે ત્રણ દિવસનો સમય થઇ ગયા બાદ ગ્રામજનોને વાંદરા ફસાયાની જાણકારી મળી હતી. જેને ધ્યાનમાં રાખી ગ્રામજનોએ વનખાતાનો સંપર્ક કર્યો હતો. ત્યાર બાદ વનવિભાગે વાંદરાઓને બચાવવાની કામગીરી હાથ ધરી હતી.વનવિભાગને બે કલાકની ભારે જહેમત બાદ દોરડુ બાંધી અને ફસાયેલા વાંદરાઓને બહાર કાઢવામાં વન વિભાગને સફળતા મળી હતી. જેમાં વનવિભાગે ભારે જહેમત બાદ 5થી વધુ વાનરનો રેસ્કયું કર્યો હતો.