સાવલી પાસેના ગોઠડા ગામની સીમમાં ખેતરમાં બીનજરૂરી પાણી ભરાઈ જતાં ડાંગર (ચોખા)અને કપાસના પાકને ભારે નુકસાન થયુ હતું. જગતના તાત કહેવાતા ખેડૂતે વ્યથા વ્યક્ત કરતાં જણાવ્યું કે કુદરતી આફત, વારંવાર કમોસમી વરસાદ તથા માઇનોર કેનાલના કુવામાંથી લીકેજના પાણી ખેતરમાં ફરી વળતા તૈયાર મહામૂલો પાક ખોવાનો વારો આવ્યો છે. આ બાબતે નર્મદાના અધિકારીને લેખિતમાં જાણ કરાઈ હોવા છતાં કંઈ પણ કાર્યવાહી નથી થઈ હોવાનું જણાવ્યું હતું. પડતાં પર પાટું ગ્રામીણ કહેવતને સાર્થક કરતાં નર્મદાના નીરના આયોજન વગરના વહીવટના કારણે મહા મહેનતનો તૈયાર પાક ખોવાનો વારો આવ્યો છે.
વડોદરામાં ડાંગર અને દિવેલાના પાકને વ્યાપક નુકસાન
