વડોદરાઃ કેન્દ્રિય સંચાર પ્રધાન દેવુસિંહ ચૌહાણ (Central Minister Devusinh chauhan) વડોદરાના વિવિધ ગણતપતિ મંડળોની (Vadodara Ganesh Chaturthi 2022) મુલાકાતે આવ્યા છે. તેમણે મીડિયા સાથે વાત કરતા જણાવ્યું હતું કે, કેજરીવાલ અર્બન નક્સલીઓનું (Urban Naxal Arvind Kejriwal) ટોળું છે. ગુજરાતની પ્રજાની સમજદારી ઉંચી છે. જે આ લોકોને ડીસેમ્બરમાં ખબર પડી જશે. આમ કેન્દ્રીય પ્રધાન નિવેદનને કારણે રાજકારણમાં ગરમાયું છે. રાજ્યમાં ચૂંટણીનું વર્ષ ચાલી રહ્યું છે. તાજેતરમાં આમ આદમી પાર્ટીના અરવિંદ કેજરીવાલ ગુજરાતની મુલાકાતે હતા.
કેજરીવાલને અર્બન નક્સલી કહ્યાઃ કેન્દ્રિય સંચાર પ્રધાન દેવુસિંહ ચૌહાણ વડોદરાની મુલાકાતે છે. દરમિયાન તેમણે મીડિયા સાથે વાત કરતા જણાવ્યું કે, સમગ્ર ભારતીયોને ગૌરવ થાય તેવો આઇએમએફનો રિપોર્ટ છે. જ્યારે સમગ્ર વિશ્વના વિકસીત દેશો મંદી તરફ જઇ રહ્યા છે. ત્યારે 13.5 ના ગ્રોથ રેટ સાથે ભારત વિકસીત થઇ રહ્યું છે. આઝાદીના 75 વર્ષે લોકોએ ગર્વ લેવા જેવી વાત છે. ભારતમાં એવા નેતા છે જેની દિર્ઘદ્રષ્ટિના કારણે કોરોના મહામારી બાદ પણ દેશને પ્રગતિના પથ પર લાવ્યા. કેજરીવાલ અને અર્બન નક્સલીઓનું ટોળું છે. જે મેઘા પાટકર જેઓએ નર્મદા વિરોધી આંદોલન કર્યા હતા. આદિવાસીઓને છેતર્યા હતા. ભયંકર પરિકલ્પનાઓ કરી હતી, તે આદિવાસી સુખી થયો છે. તે આદિવાસી વિસ્તારોમાં લોકો 35 લોકો પાસે પોતાનો વ્યસાય ધરાવે છે, બાઇક ધરાવે છે. 56 ટકા લોકોના ઘર પાકા છે.
