મળતી માહિતી મુજબ PCB પોલીસે મળેલી માહિતીના આધારે શહેરના વીઆઇપી રોડ પાસેથી ત્રણ શકમંદોને ઝડપી પાડયા હતા. આ ત્રણેય પાસેથી લેપટોપ, કેમેરો, ચાર્જર મળીને કુલ રૂપિયા ૧,૪૫,૫૦૦નો સામાન મળી આવ્યો હતો. જેના કોઇ પુરાવા કે બીલ રજૂ નહીં કરી શકતા ત્રણેયને શકમંદ હાલતમાં અટકાયત કરવામાં આવી હતી.
આ દરમ્યાનમાં પોલીસે હાથ ધરેલી પ્રાથમિક પૂછપરછ દરમિયાન મળતી જાણકારી મુજબ આરોપીઓ સુરતમાં રહેતા હોય વડોદરામાં આવેલી કોર્પોરેટ ઓફિસની માહિતી ગુગલ દ્વારા મેળવી તેની રેકી કરતા હતા. ઓફિસમાં આવવા જવાના રસ્તાઓ જાણીને રાત્રે ચોરીઓ કરતા હતા. આ અંગે પોલીસે ઝડપી આગળની કાર્યવાહી હાથ ધરી છે.
