વિદેશ અભ્યાસ લોનના લાભથી અનિષાએ કર્યો અભ્યાસ, એમેઝોન કંપનીમાં થઇ પસંદગી

વડોદરા: MSUમાંથી ફેકલ્ટી ઓફ ટેક્નોલોજી એન્ડ એન્જીનિયરીંગમાંથી કોમ્પ્યુટર ઇજનેરીની પદવી મેળવનારી અનિષાને કેમ્પસ ઇન્ટરવ્યુંમાં જ 3 મલ્ટીનેશનલ કંપનીઓએ પસંદ કરી હતી. જેમાથી 1 નોકરીની પસંદગી કરી તેમણે 6 મહિના એ કંપનીમાં કામ કર્યું હતું.

વધુમાં જણાવીએ તો, અનિષાને કોમ્પ્યુટરના ક્ષેત્રમાં વિદેશમાં ઉચ્ચ અભ્યાસ કરવાની ઝંખના હતી. તેનો અમેરિકાના કેલીફોર્નિયા રાજ્યની સેન જોસ સ્ટેટ નિવર્સિટીમાં તેનો પ્રવેશ પણ નિશ્ચિત થઇ ગયો છે. આ અગત્યના સમયે જ રાજ્ય સરકારના વિકસતી જાતિ કલ્યાણ વિભાગ દ્વારા સામાજિક અને શૈક્ષણિક પછાત વર્ગો તેમજ આર્થિક પછાત વર્ગોના વિદ્યાર્થીઓને મળવાપાત્ર વિદેશ અભ્યાસ લોન યોજનાએ તેની વિદેશમાં શિક્ષણ મેળવવાની ઝંખના સાકાર કરવાનો માર્ગ વધુ મોકળો કર્યો.

વિદેશ અભ્યાસ લોનના લાભથી અનિષા કર્યો અભ્યાસ,એમેઝોન કેમ્પસે કર્યું સિલેકશન

જો મહેનતની કરવાની લગન હશે તો અનિષાની જેમ સપના થશે સાકાર

વડોદરાની અનિષાએ કોમ્પ્યુટર ઇજનેરીમાં માસ્ટર ઓફ સાયન્સની પદવી મેળવીને ફરી એકવાર કેમ્પસ ઇન્ટરવ્યુમાં જ વિશ્વખ્યાત એમેઝોન કંપનીની જોબ માટે પસંદ થઇ છે. જુન-૨૦૧૯થી તેમાં સેવા આપી રહી છે. અનિષાને વડોદરાના શિક્ષણ વારસાને વિદેશમાં દીપાવવાની ધગશ હતી. તેમાં રાજ્ય સરકારની વિદેશ અભ્યાસ લોન યોજના મદદરૂપ બની છે. આ યોજના હેઠળ આ યુવતી 3 અઠવાડિયામાં રૂપિયા 15 લાખનું ધિરાણ મળ્યું છે. અમેરિકામાં વેલ પ્લેસડ અનીષા હવે આ ધિરાણની રકમ પરત કરવા સજ્જ બની છે.

સેન જોસ સ્ટેટ યુનિવર્સિટીમાં પ્રવેશ થયો નિશ્ચિત

વિદેશ અભ્યાસ માટે વિવિધ બેંકો ધિરાણ આપે છે. પરંતુ તેનો વ્યાજ દર ઘણો જ ઉંચો છે. પ્રથમ હપ્તો ચૂકવાય તે સાથે જ વ્યાજ વધારો થવા લાગે છે. વિદેશમાં ભણવા માટેની રાજ્ય સરકારની ધિરાણ યોજના 4 ટકા જેવા નજીવા વ્યાજના દરે ધિરાણ આપે છે. વિદેશમાં અભ્યાસને સરળ અને સુગમ બનાવે છે. બેન્ક ધિરાણની સરખામણીમાં આ વિકલ્પ ખૂબ જ સરળ છે.