સ્ટેચ્યૂ ઓફ યુનિટીના તમામ પ્રોજેક્ટ ફરવાના વ્યક્તિ દીઠ કુલ કેટલાનો રૂપિયાનો ખર્ચ?, જુઓ રિપોર્ટ...

વડાપ્રધાન નરેન્દ્ર મોદીએ નર્મદામાં કેવડીયામાં 17 નવા પ્રકલ્પોનું ઉદ્ઘાટન કર્યું છે અને હવે કેવડીયા એ વિશ્વ પ્રવાસન સ્થળ બની ગયું છે. સામાન્ય રીતે કેવડીયામાં આપ ફરવા જાવ તો બે દિવસ અને એક રાત્રિનું રોકાણ કરવું પડે, ત્યારે તમે આ પ્રવાસન સ્થળો જોઈ શકો અને માણી શકો. તમને એમ થાય કે આ બધી જગ્યાએ ફરવાનો ખર્ચ કેટલો? તો આવો જાણીએ ઈટીવી ભારતના રિપોર્ટમાં..

• સ્ટેચ્યૂ ઓફ યુનિટી વિશ્વ પ્રવાસન સ્થળ બન્યું
• પીએમ મોદીએ 17 નવા પ્રકલ્પનું ઉદ્ઘાટન કર્યું
• તમામ સ્થળની ટિકિટના દર કરાયા જાહેર

અમદાવાદઃ વડાપ્રધાન નરેન્દ્ર મોદીએ ભારતના સ્ટેચ્યૂ ઓફ યુનિટી ફરવા જનારા પ્રવાસીઓને દિવાળીની ભેટ આપી છે. સ્ટેચ્યૂ ઓફ યુનિટી ફરતે અનેક ફરવાલાયક અને માણવાલાયક સ્થળોનો વિકાસ કર્યો છે. મોદીએ આજે 30 ઓકટોબરે 17 પ્રકલ્પોનું ઉદ્ઘાટન કર્યું છે. આ તમામ પ્રોજેક્ટ જોવા માટે બે દિવસનો સમય લાગી જાય છે. પીએમ મોદીએ દિવાળીની ભેટરૂપે ખૂલ્લું મુક્યું છે. પણ તમામ સ્થળ જોવા માટે ટિકિટના દર નક્કી કરાયા છે અને તે જાહેર પણ કરાયા છે.

તમામ સ્થળ જોવાના એક વ્યક્તિને રૂપિયા 2870ની ટિકીટ થશે

તમામ સ્થળ જોવાના એક વ્યક્તિને રૂપિયા 2,870ની ટિકિટ થશે

એક વ્યક્તિ સ્ટેચ્યૂ ઓફ યુનિટી ફરવા જાય તો આ બધુ જ જોવા માટે ટિકિટ પેટે રૂપિયા 2,870નો ખર્ચ થશે. કેવડિયા જવા-આવવાનો ખર્ચ, જમવાનો, ચા-નાસ્તો, અને રહેવાનો ખર્ચ અલગથી સામેલ છે. આમ જોવા જઈએ તો કેવડિયાની ટૂર મોંઘી છે. સામાન્ય માણસને ન પોષાય તેવા ટિકિટના દર છે. જો કે પૈસાદાર સી-પ્લેનમાં સ્ટેચ્યૂ જાય તો જવા અને આવવાના મળીને કુલ રૂપિયા 3,000થી વધુ ખર્ચ થશે અને ટેન્ટ સિટીમાં રોકાણનું આકર્ષણ છે. તે રહેવાનો ખર્ચ પણ અલગ થાય.

ટિકિટના ભાવ

દિવાળીના તહેવારમાં સ્ટેચ્યૂ ફરવા જનારાની સંખ્યા ખૂબ મોટી હશે

ગુજરાતીઓ ફરવાના ખૂબ જ શોખિન હોય છે. દિવાળીના તહેવારોમાં સૌથી વધુ ગુજરાતીઓ પાંચ દિવસ ફરવા ઉપડી જતાં હોય છે. ગત વર્ષે સ્ટેચ્યૂ ઓફ યુનિટી ફરવા જનારાની સંખ્યાએ રેકોર્ડ સર્જ્યો હતો. તે જ રીતે આ વર્ષે દિવાળી પહેલા 17 નવા પ્રોજેક્ટનું ઉદ્ઘાટન વડાપ્રધાન નરેન્દ્ર મોદીએ કર્યું છે. જે જોવા માટે ગુજરાતીઓ ખૂબ મોટી સંખ્યામાં ઉમટી પડશે અને ભારતીયો અને વિશ્વના અન્ય દેશોમાંથી સહેલાણીઓ સ્ટેચ્યૂ ફરવા આવશે.

તમામ સ્થળની ટિકીટના દર કરાયા જાહેર

statue of unity

કેવડિયામાં 17 નવા પ્રકલ્પોનું ઉદઘાટન