વિદેશી દારૂની 7200 બોટલ સાથે એક આરોપીની ધરપકડ અન્ય બેની સંડોવણી
કુલ 27.80 લાખનો મુદ્દામાલ કબ્જે કરવામાં આવ્યો
પોલીસે અન્ય બે આરોપીઓને પકડવા આગળની કાર્યવાહી હાથ ધરી
રેડ દરમિયાન વિદેશી દારૂની 600 પેટીઓ મળી આવી
કચ્છ: અંજાર પોલીસ સ્ટેશનના પોલીસ ઇન્સપેક્ટર એમ.એન.રાણાને ખાનગી રાહે બાતમી હકીકત મળેલ કે અંજારથી સાપેડા જતા રોડ પર એચ.પી.ના પેટ્રોલપંપ પાસેથી વળતા રસ્તે અંજાર સીમમા આવેલ શાંતીલાલ શામજીભાઇ ડાંગર તથા તેના કાકાઇ ભાઇ મૂકેશ લખુભાઇ ડાંગરે પોતાના કબ્જા ભોગવટાની વાડીમા મનુભા વિઠુભા વાઘેલા દ્વારા ભારતીય બનાવટના વિદેશી દારૂનો જથ્થો ઉતારવામાં આવ્યો છે તેવી સચોટ બાતમી આધારે રેઇડ કરતા સ્થાનીક જ્ગ્યાએ રેઇડ દરમ્યાન ઇગ્લીશ દારૂ ની 600 પેટીઓ જેમા વિદેશી દારૂની 7200 બોટલ મળી આવી હતી.
પોલીસે કુલ 27.80 લાખનો મુદ્દામાલ કબ્જે કર્યો
પોલીસે આરોપી પાસેથી 7200 નંગ વિદેશી દારૂની બોટલો કિંમત 25,20,000, એક મારૂતી અલ્ટો કાર કિંમત 1,00,000 તથા બે મોટરસાઇકલ કિંમત 1,00,000 તથા એક એક્સેસ કિંમત 50000 તથા ત્રણ મોબાઇલ કિંમત 10500 મળીને કુલ 27,80,500નો મુદામાલ કબ્જે કર્યો હતો.
પોલીસે અન્ય આરોપીઓને પકડવા તપાસ હાથ ધરી
પોલીસે પકડાયેલા આરોપીઓને રાઉન્ડ અપ કરી વધુ તપાસ હાથ ધરી હતી અને જેમાં અન્ય 2 આરોપીઓની સંડોવણી છે તે ખૂલતા તેમને પકડવા પોલીસે કાયદેસરની કાર્યવાહી હાથ ધરી હતી.
