- નિઝર તાલુકાના વેલદા ગામનો વીડિયો થયો વાયરલ
- લગ્નપ્રસંગમાં હજારોની સંખ્યામાં લોકો ઉમટ્યા હતા
- કોરોના ગાઈડલાઈનના ધજાગરા ઉડતા પોલીસ ઉંઘતી ઝડપાઈ
તાપીઃ ગુજરાત રાજ્યમાં જીવલેણ કોરોના વાઈરસનો કહેર વધ્યો છે. બીજી તરફ સંક્રમણ વધતા આ મામલે સરકાર પણ હવે પલગાં લઈ રહી છે. ત્યારે આ વચ્ચે તાપી જિલ્લામાંથી ચોંકાવનારો વીડિયો સામે આવ્યો છે. નિઝર તાલુકાના વેલદા ગામમાં યોજાયેલા લગ્નના વીડિયો વાયરલ થયો છે. જેમાં જોગાભાઈ ભીખાભાઇ પાડવીના ઘરે લગ્ન યોજાયા હતા. લગ્નમાં હજારોની સંખ્યામાં ઝૂમતા લોકો કોરોનાને ખુલ્લો લલકાર આપી રહ્યાં હોય તેવું જોવા મળી રહ્યું હતું.
આ પણ વાંચો: કાંતિ ગામીતની પૌત્રીની સગાઈના વાઇરલ વીડિયો મામલે પુત્ર જીતુ ગામીત સામે ફરિયાદ નોંધાઇ
આ વીડિયો બતાવે છે કે, લોકો હજી પણ સમજવા તૈયાર નથી અને કોરોનાને ગંભીરતાથી પણ લેતા નથી
લગ્નમાં કોઈ પણ જાતની પરવાનગી વગર હજારોની ભીડ એકઠી કરાઈ હતી. એટલું જ નહીં લગ્નની કંકોત્રીમાં આયોજક દ્વારા બેન્ડ બોલાવવામાં આવ્યું હોવાની જાહેરાત પણ કરી હતી. સોશિયલ મીડિયામાં વિડિયો વાયરલ થતા નિઝર પોલીસે બેન્ડ માલિક અને આયોજક જોગાભાઈ ભીખાભાઇ પાડવી વિરુદ્ધ ફરિયાદ નોંધી તેઓને પકડવાના ચક્રો ગતિમાન કર્યા છે.
આ પણ વાંચો: કડી શહેરમાં ભાજપના કાર્યક્રમમાં કોરોના ગાઈડલાઈનના લીરેલીરા ઉડ્યા
સમગ્ર મામલે પોલીસ તંત્ર ઊંઘતુ ઝડપાયું, વીડિયો વાયરલ થયા બાદ એક્શનમાં આવી
તાપી પોલીસના નાક નીચે નિઝરના વેલદા ગામમાં કોહિનૂર સ્ટાર બેન્ડની પાર્ટીમાં હજારોની ભીડ એકઠી થઈ હતી. જોગાભાઈ પાડવીના પરિવારનો આ લગ્ન પ્રસંગ હતો. જેમાં હેમાંક્ષી અને ગણેશ નામના યુગલના લગ્નના એક દિવસ પૂર્વે આ પાર્ટી યોજાઈ હતી. આ ભીડમાં એક પણ વ્યક્તિ કોરોના પોઝિટિવ હોય તો મોટું સંક્રમણ ફેલાઈ શકે છે. આ વીડિયો ચિંતા ઉપજાવે તેવો છે. લોકો હજી પણ સમજવા તૈયાર નથી, અને કોરોનાને હજી પણ ગંભીરતાથી લેતા નથી. જોકે, સમગ્ર મામલે પોલીસ તંત્ર ઊંઘતુ ઝડપાયું હતું. પોલીસ દ્વારા વીડિયો વાયરલ થયા બાદ પગલા લેવામાં આવ્યા હતા.
આ પણ વાંચો: અમદાવાદમાં સોશિયલ ડિસ્ટન્સિંગના ઉડ્યા ધજાગરા, લોકોનો જામ્યો મેળાવડો
સત્તાવાર આંકડાઓ મુજબ ગુરૂવારે રાજ્યમાં 1790 પોઝિટિવ કેસો નોંધાયા
રાજ્યમાં કોરોના સંક્રમિતોની સંખ્યા દિવસેને દિવસે વધી રહી છે. ત્યારે બુધવારે રાજ્યમાં નવા 1,790 કેસ અને 8 મોત નોંધાયા હતા. ગુજરાત રાજ્યમાં કોરોનાના કેસ સતત વધી રહ્યા છે. એક સમયે 300 જેટલા કેસ આવતા રાજ્યના કોરોના કેસ આ પ્રકારની પરિસ્થિતિ રહી તો 2,000ના આંકને પણ વટાવે તો નવાઈ નહીં. નવા કેસમાં અમદાવાદ 506, સુરતમાં 480 જેટલા કેસ છે, વડોદરામાં 145, રાજકોટમાં 130 સહિત દરેક જિલ્લામાં આ કેસ નોંધાયા છે.
આ પણ વાંચો: રાજકોટમાં ભાજપની સભામાં સોશિયલ ડિસ્ટન્ટ, માસ્ક સહિતના નિયમોનો ભંગ
કોરોનાના લક્ષણોનો નવો સ્ટ્રેન સામે આવ્યો
કોરોનાના લક્ષણો નવો સ્ટ્રેન જોવા મળી રહ્યો છે. ખાસ કરીને સુરત શહેરમાં કોરોનાનો UK અને આફ્રિકન સ્ટ્રેનના કેસ મળ્યા બાદ કેસમાં વધારો જોવા મળી રહ્યો છે. સામાન્ય કોરોનામાં તાવ સહિતના લક્ષણો જોવા મળતા હતા, પરંતુ નવા સ્ટ્રેનમાં આ લક્ષણો દેખાતા નથી. હાલમાં હાથની આંગળીઓ અને પગના ટેરવા ફિક્કા પડી જવા તેમજ ખંજવાળ સહિતના લક્ષણો સુરતમાં નવા પોઝિટિવ કેસોમાં જોવા મળ્યા હતા.
આ પણ વાંચો: સી.આર .પાટીલના પેજ કમિટી ઓળખકાર્ડ કાર્યક્રમમાં ફરી કોરોના ગાઈડલાઈનનો ભંગ
ETV Bharatની અપીલ
હાલ કોરોના વાઇરસના કેસો ગુજરાતમાં ફરીથી વધી રહ્યા છે. રાજ્યમાં સ્થિતી ખુબ જ ખરાબ છે. આ પ્રસંગમાં આવેલા લોકોની જેમ અમુક લોકોના કારણે સમગ્ર રાજ્યની જનતાને ભોગવવું પડતું હોય છે. ત્યારે ખાસ ETV Bharat આપ સૌને અપીલ કરી રહ્યું છે કે, કોરોના ગાઈડલાઈનનો અમલ કરો. કોરોના વાઇરસથી બચવા માટે ભીડભાડ વાળી જગ્યાઓ પર જવાનું ટાળો અને માસ્ક અવશ્ય પહેરીને રાખો.
