સુરેન્દ્રનગરમાં માતા-પુત્રીના ડબલ મર્ડરથી સમગ્ર પંથકમાં ચકચાર

સુરેન્દ્રનગરઃ જિલ્લામાં લૂંટ અને હત્યા સહિતના બનાવોએ જાણે માઝા મૂકી હોય તેમ ગુનાખોરીનું પ્રમાણ વધ્યું છે. ત્યારે શનિવારે સુરેન્દ્રનગરના અલગ-અલગ વિસ્તારમાંથી માતા-પુત્રીની હત્યા કરેલી હાલતમાં મૃતદેહ મળી આવતા સમગ્ર પંથકમાં ચકચાર મચી ગઈ હતી.

સુરેન્દ્રનગરના રતનપર વિસ્તારમાં આવેલા રામેશ્વર ટાઉનશીપમાં રહેતી મહિલા ભાલિકાબેન દુર્લભભાઇ ભટ્ટ ઊ.વ. 42ની ઘરની બહાર તિક્ષ્ણ હથીયારો વડે હત્યા કરાયેલી મૃતદેહ મળી આવ્યો હતો. આ ઘટનાની જાણ આસપાસના લોકોએ પોલીસને કરતા DY.sp સહિત જોરાવરનગર, વઢવાણ સહિતનો પોલીસ કાફલો ઘટના સ્થળે પહોંચી ગયો હતો અને તપાસ હાથ ધરી હતી.

સાથે શહેરના વઢવાણ રોડ પર આવેલા સની દેશના મંદિરના પટાંગણમાં મહિલાની માતા સુર્યાબેન દુર્લભભાઇ ભટ્ટ ઊ.વ. 65ની પણ હત્યા કરાયેલી હાલતમાં મૃતદેહ મળી આવ્યો હતો. પોલીસની પ્રાથમિક તપાસમાં બંને મૃતક માતા-પુત્રી હોવાનું બાહાર આવ્યું હતું. હાલમાં પોલીસે બંને મૃતદેહનો કબજો કરી પોસમોર્ટમ અર્થે ખસેડ્યા છે.