સુરેન્દ્રનગર: ઓરેન્જ એલેર્ટ વચ્ચે ગરમીનો પારો 45 ડીગ્રીને પાર પહોંચતા 30 જેટલા રાષ્ટ્રીય પક્ષી મોરની ડોક ઢળી પડતા અકાળે મોતને ભેંટ્યા હતા. અકાળે મોતને ભેંટતા જીવદયા પ્રેમીઓમાં ફફડાટનો માહોલ જોવા મળ્યો છે. ગામના યુવાનો દ્વારા 30 જેટલા મોરને બજાણા અભયારણ્ય વિભાગમાં સારવાર અર્થે મોકલવામાં આવ્યા છે. એક સમયે મોરના ટહુંકા માટે પ્રચલિત એવા સવલાસ ગામમાં જો આ પરિસ્થિતિ યથાવથ રહી તો ગામમાંથી રાષ્ટ્રીય પક્ષી મોર જ નામશેષ થઇ જવાના એંધાણ સર્જાયા છે.
ચાર દિવસમાં 30થી વધુ મોરના મોત: પ્રાપ્ત માહિતી અનુસાર ચાર દિવસમાં 30થી વધુ મોરના મોત નીપજતા સમગ્ર પંથકમાં ચકચાર ફેલાઇ જવા પામી છે. સુરેન્દ્રનગર જિલ્લાના અન્ય તાલુકાઓ કરતા રણને અડીને આવેલા પાટડી તાલુકામાં ગરમીનો પારો બે ડીગ્રી જેટલો વધારે જોવા મળે છે. એમાંય ઝાલાવાડ પંથકમાં ઓરેન્જ એલર્ટ વચ્ચે ગરમીનો પારો 43થી 44 ડીગ્રી સુધી પહોંચી ગયો છે. લોકો માટે ખરા ઉનાળાના આકરા તાપમાં ઘરની બહાર નિકળવું પણ દુષ્કર બની રહ્યું છે. આકાશમાંથી અગનગોળા વરસાવતી કાળઝાળ ગરમીમાં લોકોની સાથે અબોલ પશુ પક્ષીઓની હાકલ પણ અત્યંત દયનીય બનવા પામી છે.
'છેલ્લા ચાર પાંચ દિવસમાં રાષ્ટ્રીય પક્ષી મોર અચાનક એમની ડોક પડતી મૂકીને ઢળી પડે છે. અત્યાર સુધીમાં 8થી 10 જેટલા ઘાયલ મોરને સારવાર અર્થે બજાણા અભયારણ્ય વિભાગનો સ્ટાફ ગાડી સાથે આવીને લઇ ગયો છે. આજે વધુ પાંચ જેટલા મોર ઘાયલ થતાં અભયારણ્ય વિભાગને જાણ કરી દેવામાં આવી છે. એક સમયે મોરના ટહુંકા માટે પ્રચલિત એવા સવલાસ ગામમાં જો આ પરિસ્થિતિ યથાવથ રહી તો ગામમાંથી રાષ્ટ્રીય પક્ષી મોર જ નામશેષ થઇ જવાના એંધાણ સર્જાયા છે.' -ધર્મેશભાઇ ફત્તેપરા, સવલાસ
તંત્ર એલર્ટ: ગામના યુવાનો દ્વારા 30 જેટલા મોર બજાણા અભયારણ્ય વિભાગમાં સારવાર અર્થે મોકલવામાં આવ્યા છે. રેન્જ ફોરેસ્ટ ઓફિસર એસ.એસ.સારલાની સૂચનાથી અભયારણ્ય વિભાગની રેસ્ક્યુ ટીમે તાકીદે વાહન લઇને સવલાસ ગામે દોડી જઇ ઘાયલ મોરને તાકીદે સારવાર અર્થે બજાણા કેર સેન્ટર ખાતે લાવી વેટરનીટી ડોક્ટર પાસે સારવાર કરાવવાની તજવીજ હાથ ધરવામાં આવી છે.જિલ્લા કલેકટર દ્વારા કપાસના આદેશ આપવામાં આવ્યા છે.
