ભોગાવો નદીમાં પ્રદૂષણ બાબતે એ ડિવિઝન પોલીસ મથકે કોંગ્રેસે કરી લેખિત રજૂઆત

સુરેન્દ્રનગર શહેર કોંગ્રેસના આગેવાનો અને શહેરીજનો દ્વારા ભોગાવો નદીમાં પ્રદૂષણ બાબતે એ ડિવિઝન પોલીસ મથકે લેખિત રજૂઆત કરવામા આવી છે. સુરેન્દ્રનગર અને વઢવાણ શહેરમાંથી પસાર થતી ભોગાવો નદીમાં પાલિકા તંત્ર દ્વારા દૂષિત અને ગંદુ પાણી છોડી નદીને પ્રદૂષિત કરવામાં આવતી હોવાનો આક્ષેપ ફરિયાદમાં કરવામાં આવ્યો છે.

• સુરેન્દ્રનગર શહેર કોંગ્રેસના આગેવાનો અને શહેરીજનોની રજૂઆત
• ભોગાવો નદીમાં પ્રદૂષણ બાબતે એ ડિવિઝન પોલીસ મથકે લેખિત રજૂઆત કરી
• પાલિકા ચીફ ઓફિસર સહિત સત્તાધીશો સામે ફરિયાદ નોંધી કાર્યવાહી કરવાની કરી માગ
• આગામી દિવસોમાં યોગ્ય ઉકેલ નહીં આવે તો ઉગ્ર આંદોલનની ચીમકી ઉચ્ચારી

સુરેન્દ્રનગરઃ ફરિયાદમાં જણાવવામાં આવ્યું છે કે, પાલિકા દ્વારા મૂળચંદ રોડ પર કરોડોના ખર્ચે બનાવવામાં આવેલા એસટીપી પ્લાન્ટમાંથી પણ દૂષિત પાણી ભોગાવો નદીમાં છોડવામાં આવે છે. લેખિતમાં તેનો ઉલ્લેખ કરવામાં આવ્યો હતો. પાલિકાના ચીફ ઓફિસર સહિત સતાધીશો સામે ફરિયાદ નોંધી કાર્યવાહી કરવાની કરી માગ કરી છે. આગામી દિવસોમાં યોગ્ય ઉકેલ નહીં આવે તો ઉગ્ર આંદોલનની ચીમકી પણ કોંગ્રેસ આગેવાનોએ ઉચ્ચારી હતી.