સુરેન્દ્રનગરમાં 10 વાગ્યા સુધીમાં 10.22% મતદાન

સુરેન્દ્રનગરઃ દેશના સૌથી મોટા તહેવાર લોકસભા ચૂંટણીનું મતદાન આજે રાજ્યભરમાં જોરશોરથી ચાલી રહ્યુ છે. ત્યારે સુરેન્દ્રનગર લોકસભા બેઠક પરના ભાજપના ઉમેદવાર ડૉ.મહેન્દ્ર મુજપરાએ સુરેન્દ્રનગર સી.યુ.શાહ ફાઈન આર્ટ્સ કોલેજથી મતદાન કર્યુ.

ડૉ. મહેન્દ્ર મુંજપરાએ પત્ની ડૉ. ભાવનાબેન અને પરિવાર સાથે મતદાન કરી મતાધિકારનો ઉપયોગ કર્યો હતો. તો બીજી તરફ સુરેન્દ્રનગર શહેર શાળા નં.160 લક્ષ્મીપરા વિસ્તારમાં વિકલાંગ મહિલાએ મતદાન કર્યુ હતું. સુરેન્દ્રનગના મતદારોમાં ભારે ઉત્સાહ જોવા મળી રહ્યો છે.

આ તરફ ધ્રાંગધ્રા ખાતે આઈ.કે.જાડેજાએ પોતાના સહ પરિવાર સાથે તો સુરેન્દ્રનગર કોંગ્રેસના ઉમેદવાર સોમાભાઇ પટેલે વિરમગામ ખાતે મતદાન કર્યુ. સવારના 10 વાગ્યા સુધીમાં સુરેન્દ્રનગરમાં 10.22% મતદાન થયું છે.