માહિતી પ્રમાણે, ડીંડોલી ખરવાસા રોડ પર અંદરોઅંદર દારૂની મહેફિલ માણવા બેઠેલા પરિચિત યુવકો દ્વારા હુમલો કરાયો હતો. જેથી હુમલા બાદ ઇજાગ્રસ્ત યુવકને સારવાર અર્થે 108 દ્વારા હોસ્પિટલમાં ખસેડવામાં આવ્યો હતો. હોસ્પિટલમાં સારવાર દરમિયાન યુવકનું મૃત્યુ થયું હતું.
પોલીસને આ ઘટનાની તપાસમાં જાણવા મળ્યું કે, મૃતક યુવક ખરવાસા ગામનો રહેવાસી છે અને તેનું નામ મીનતું મિશ્રા છે, જ્યારે ઉંમર 25 વર્ષ છે. હુમલામાં પેટના અને પગના ભાગે ચપ્પુના બે બે ઘા મરાયા હતા, જેથી યુવકની માતા તાત્કાલિક હોસ્પિટલ લઈ ગઈ હતી અને ત્યાં તેનું મૃત્યું થયું હતું.
