સુરતની જૂની અને જાણીતી વૈશાલી વડાપાઉંની સુરતના અલગ- અલગ વિસ્તારોમાં ઘણી દુકાનો આવેલી છે, ત્યાંના વડાપાઉં શહેરમાં ખૂબ જ પ્રખ્યાત છે. પરંતુ, આ દુકાનના એક વડાપાઉમાંથી કાનખજૂરો નીકળતા લોકોને પણ ખૂબ આઘાત લાગ્યો છે. જ્યારે, આ ઘટના બની ત્યારે ત્યાં હાજર ગ્રાહકો પણ ચોંકી ગયા હતાં. વડાપાઉનો શોખ રાખતા લોકો માટે આ કિસ્સો ચેતવણી સમાન છે. છેલ્લા બે દિવસથી સોશીયલ મીડિયા પર ફરતા આ વીડિયો બાદ સુરત મનપાના અધિકારીઓ પણ હરકતમાં આવ્યા હતા અને વૈશાલી વડાપાઉની અલગ અલગ દુકાનોમાંથી તપાસ માટે નમૂનાઓ લીધા હતાં.
સુરતની નામચીન વડાપાઉની દુકાનના વડામાંથી કાનખજૂરો નીકળતા લોકોમાં હડકંપ
ઉલ્લેખનીય છે કે, વડાપાઉંના શોખીનો માટે આ આંખ ઉઘાડનારો કિસ્સો છે કે, જ્યારે પણ તમે વડાપાઉં ખાવા જાવ ત્યારે નામ જોઈને નહી પણ સારી ક્વોલિટીની વસ્તુ જોઈને ખાવું જોઈએ નહી તો, ખૂબ જ ગંભીર પરિણામ ભોગવવાનો સમય આવશે.
