તહેવારો પર શાકભાજીના ભાવ આસમાને, ગૃહિણીઓનું બજેટ ખોરવાયું

સુરત: ગુજરાત, મહારાષ્ટ્ર અને મધ્યપ્રદેશમાં પડેલા ભારેથી અતિભારે વરસાદના કારણે પૂર જેવી સ્થિતિનું નિર્માણ થયું હતું અને તેની સીધી અસર હવે શાકભાજીના ભાવો પર જોવા મળી રહી છે. જેના કારણે ગૃહિણીઓનું બજેટ પણ ખોરવાયું છે. સાથે સાથે શાકભાજીના ઊંચા ભાવોને લઈ લોકોને હાલાકીનો સામનો કરવો પડી રહ્યો છે. સુરતના સરદાર માર્કેટમાં પ્રતિ દિવસ અન્ય રાજ્યમાંથી આવતી શાકભાજીની 65 જેટલી ટ્રકનો ઘટાડો થયો છે. જે ટ્રકોની સંખ્યા હાલ 15થી 20 જેટલી થઈ ગઈ છે.જો કે જે પ્રમાણે ગુજરાત, મહારાષ્ટ્ર અને મધ્યપ્રદેશમાં વરસાદનું જોર ઘટતા શાકભાજીના ભાવોમાં ઘટાડો થાય તેઓ આશાવાદ વેપારીઓ દ્વારા વ્યક્ત કરવામાં આવ્યો છે.

સુરત સહિત દક્ષિણ ગુજરાતમાં છેલ્લા પંદર દિવસ દરમિયાન ભારેથી અતિભારે વરસાદ નોંધાયો હતો.જેના કારણે ખેડૂતોના પાકને વ્યાપક નુકશાન થયું હતું.જેની સીધી અસર શાકભાજીના ભાવો પર જોવા મળી રહ્યા છે.આ સાથે ગુજરાત,મહારાષ્ટ્ર અને મધ્યપ્રદેશમાં પડેલા ભારે વરસાદના કારણે શાકભાજીના ભાવોમાં 40 થી 60 ટકાનો વધારો થયો છે.જેના કારણે ગૃહિણીઓનું બજેટ પણ ખોરવાયું છે.ભારે વરસાદના કારણે સૌથી મોટી અસર દક્ષિણ ગુજરાતના ખેડૂતો પર પડી છે.અહીં ખેડૂતો ના ઉભા પાકને વ્યાપક નુકશાન થયું છે.જેમાં ભીંડા,ગુવાર સહિત લીલા શાકભાજીનો જથ્થો સુરતના સરદાર માર્કેટમાં આવી રહ્યો નથી.જે અન્ય રાજ્યોમાંથી શાકભાજી નો જથ્થો આવી રહ્યો છે,તેમાં પણ ભાવો ચોથા આસમાને છે.પ્રતિ દિવસ સરદાર માર્કેટમાં 65 જેટલી ટ્રકો રાજસ્થાન,મહારાષ્ટ્ર અને મધ્યપ્રદેશથી આવતી હતી.જે હાલ ઘટીને 15 જેટલી થઇ ગઇ છે.જો હાલ વરસાદનું જોર નરમ પડ્યું છે જેથી આગામી દિવસોમાં શાકભાજીના ભાવોમાં ઘટાડો થાય તેવો આશાવાદ વેપારીઓ સેવી રહ્યા છે.

ગત માસ કરતા ચાલુ માસ દરમિયાન શાકભાજીના ભાવોમાં 40 થી 60 ટકાનો વધારો થયો છે.જેના કારણે ગૃહિણીઓ માટે ઘર કેમ ચલાવવું તે મોટો પ્રશ્ન સર્જાયો છે.ભારે વરસાદના કારણે ઉભા પાકને નુકશાન થયું છે ત્યાંરે આ શાકભાજીના ભાવોમાં વધારો હાલ જોવા મળી રહ્યો છે.

• શાકભાજીના 19 જુલાઈ અને 19 ઓગસ્ટના સુધીના ભાવ (પ્રતિકિલો)

  તુવેર	એક મહિના પહેલા 40 રૂપિયા કિલો	હાલ 100 રૂપિયા કિલો
  ગવાર	એક મહિના પહેલા 40 રૂપિયા કિલો	હાલ 100 રૂપિયા કિલો
  ફ્લાવર	એક મહિના પહેલા 23 રૂપિયા કિલો	હાલ 30 રૂપિયા કિલો
  કોબીઝ	એક મહિના પહેલા 25 રૂપિયા કિલો	હાલ 40 રૂપિયા કિલો
  દૂધી	એક મહિના પહેલા 40 રૂપિયા કિલો	હાલ 60 રૂપિયા કિલો
  કારેલા	એક મહિના પહેલા 50 રૂપિયા કિલો	હાલ 70 રૂપિયા કિલો
  ગીલોરા	એક મહિના પહેલા 30 રૂપિયા કિલો	હાલ 100 રૂપિયા કિલો
  ગલકા	એક મહિના પહેલા 25 રૂપિયા કિલો	હાલ 40 રૂપિયા કિલો
  લીંબુ	એક મહિના પહેલા 60 રૂપિયા કિલો	હાલ 100 રૂપિયા કિલો
  પાલક	એક મહિના પહેલા 30 રૂપિયા કિલો	હાલ 40 રૂપિયા કિલો
  રીંગણ	એક મહિના પહેલા 20 રૂપિયા કિલો	હાલ 60 રૂપિયા કિલો
  મરચા	એક મહિના પહેલા 45 રૂપિયા કિલો	હાલ 120 રૂપિયા કિલો
  આદુ	એક મહિના પહેલા 110 રૂપિયા કિલો	હાલ 200 રૂપિયા કિલો
  ટામેટા	એક મહિના પહેલા 35 રૂપિયા કિલો	હાલ 50 રૂપિયા કિલો
  કાંદા	એક મહિના પહેલા 40 રૂપિયા કિલો	હાલ 100 રૂપિયા કિલો
  બટાકા	એક મહિના પહેલા 10 રૂપિયા કિલો	હાલ 15 રૂપિયા કિલો
  ફણસી	એક મહિના પહેલા 25 રૂપિયા કિલો	હાલ 100 રૂપિયા કિલો
  ભીંડા	એક મહિના પહેલા 20 રૂપિયા કિલો	હાલ 70 રૂપિયા કિલો
  પાપડી	એક મહિના પહેલા 28 રૂપિયા કિલો	હાલ 100 રૂપિયા કિલો