સુરત: ગુજરાતમાં નશાકારક પદાર્થ પર પ્રતિબંધ છે. એમ છતા અવારનવાર નશાકારક પદાર્થ મળી આવે છે. ત્યારે સુરત SOG પોલીસે કતારગામ જી.આઈ.ડી.સી. ઉત્કલનગર ઝુપડપટ્ટી તથા અશોક નગર ઝુપડપટ્ટી વિસ્તારમાં સર્ચ ઓપરેશન હાથ ધર્યું હતું. ઓપરેશન દરમિયાન પોલીસે રેલવે પટરી ઉપરથી 42.800 કિલોગ્રામનો પ્રતિબંધિત ગાંજાનો જથ્થો પકડી પાડ્યો હતો. જેની કિંમત 4.28.000 રૂપિયા છે. હાલ આ મામલે પોલીસે આગળની તપાસ હાથ ધરી છે.
'અમારી ટીમ અને કતારગામ પોલીસની સર્વલેન્સની ટીમ સાથે મળીને કતારગામ જી.આઈ.ડી.સી. ઉત્કલનગર ઝુપડપટ્ટી તથા અશોક નગર ઝુપડપટ્ટી વિસ્તારમાં સર્ચ ઓપરેશન હાથ ધર્યું હતું. તે દરમિયાન અમારી ટીમને ઉત્કલ નગર ઝુપડપટ્ટી રેલ્વે લાઈન ઉપરથી 42.800 કિલોગ્રામનો પ્રતિબંધિત ગાંજાનો જથ્થો પકડી પાડ્યો હતો. જેની કિંમત 4.28.000 રૂપિયા છે. તે ક્યાંથી આવ્યું છે? કોણ લાવ્યું છે? તથા ગાંજો મૂકી નાસી જનાર ઈસમ કોણ છે તેને તેને ઝડપી પાડવા માટે હાલ અમારી તપાસ ચાલી રહી છે. જોકે આ પહેલા પણ આ વિસ્તારમાંથી ઘણી બધી વખત આ પ્રકારે ચરસ ગાંજો પકડાઈ ચૂક્યો છે. જેથી આ વિસ્તારમાં પોલીસ દ્વારા વધુમાં વધુ પેટ્રોલિંગ કરવામાં આવે છે.' -એ.પી.ચૌધરી, એસઓજીના પોલીસ ઇન્સ્પેક્ટર
અલગ અલગ ટીમ: NO DRUGS IN SURAT CITY ના અભિયાન હેઠળ SOG માણસોની અલગ અલગ ટીમ બનાવી આવી પ્રવૃત્તિ કરતા ઈસમો અંગે માહિતી મેળવવા પ્રયાસો હાથ ધરવામાં આવી હતી. તે દરમ્યાન 42.800 કિલોગ્રામનો પ્રતિબંધિત ગાંજાનો જથ્થો પકડી પાડ્યો હતો. જેની કિંમત 4.28.000 રૂપિયા છે.હાલ તો પોલીસે સદરહુ ગાંજો મૂકી નાસી જનાર ઇસમને વોન્ટેડ જાહેર કરી તેને ઝડપી પાડવા ચક્રો ગતિમાન કર્યા છે.
