લોકડાઉન ભંગ કરનાર લોકોની તસ્વીર લોકો સુરત પોલીસના ફેસબુક અને ટ્વિટર પર ફરિયાદ કરી શકશે

સમગ્ર દેશમાં લોકડાઉનની જાહેરાત કરવામાં આવી છે, ત્યારે સુરત પોલીસે નિર્ણય લીધો છે કે, તે લૉકડાઉનનો ભંગ કરનારા લોકોના ફોટોઝ તેમના ફેસબુક અને ટ્વીટર પર શેર કરીને ફરીયાદ કરવાની અપીલ કરી છે.

સુરત: લોકડાઉન ભંગ કરનારા સામે હવે સુરત પોલીસ સોશિયલ મીડિયાનો સહારો લઈ રહી છે. હવે લોકડાઉન ભંગ કરનારા લોકોની તસ્વીર શહેરીજનો ફેસબુક અને ટ્વીટર પર ફરિયાદ કરી શકશે. જો કોઈ ચારથી વધુ લોકો ભેગા થાય તો અન્ય વ્યક્તિ તેની તસ્વીર અને સમય સહિત લોકેશન સુરત પોલીસના ફેસબુક પેજ અને ટ્વીટર પર અપલોડ કરી ફરિયાદ કરી શકે છે.

આ ઉપરાંત રોડ પર ડ્રોનથી અને સીસીટીવી કેમેરાથી સતત લૉકડાઉનના ભંગ કરનારા લોકો સામે નજર રાખનારી સુરત પોલીસ હવે સોશિયલ મીડિયાનો સહારો લીધો છે. સુરત પોલીસે જાહેર જનતાને અપીલ કરી છે કે, તેઓની સામે જો કોઈ લૉકડાઉનનો ભંગ કરે તો આવા ઈસમો દેખાય તો તરત જ તેની તસ્વીર પાડી સુરત પોલીસના ફેસબુક અને ટ્વીટર હેન્ડલ પર સમય અને લોકેશન સાથે અપલોડ કરે.

સુરત પોલીસની અપીલ બાદ અત્યાર સુધી 8 ફરિયાદો મળી હતી. એક સામે ફરિયાદ નોંધવામાં આવી હતી. જ્યારે અન્ય 3ને પોલીસ દ્વારા સમજાવી જવા દેવામાં આવ્યા છે. જ્યારે અન્ય ચારની ઓળખ કરવામાં આવી રહી છે.