સુરત : ભારતીય જનતા પાર્ટીના આજે 43 વર્ષ પુર્ણ થયા છે. 6 એપ્રિલ 1980ના રોજ ભારતીય જનતા પાર્ટીની રચના કરવામાં આવી હતી. ભાજપના શૂન્યથી શિખર સુધીની સફરમાં ગુજરાતનો મહત્વપૂર્ણ યોગદાન છે. ભાજપ માટે ગુજરાત એક બ્રાન્ડ એમ્બેસેડર તરીકે સ્થાપિત થયું છે. રામ જન્મભૂમિ આંદોલનની શરૂઆત ગુજરાતની ભૂમિથી થઈ હતી. આજ ગુજરાતમાં વર્ષ 1984માં ભારતીય જનતા પાર્ટીને લોકસભામાં માત્ર એક જ બેઠક મળી હતી. જોકે છેલ્લા બે વખતથી ગુજરાતની તમામ 26 બેઠકો પર ભાજપનું કમળ ખીલી રહ્યું છે.
ગુજરાતનો સિંહ ફાળો : ભારતીય જનતા પાર્ટીની સ્થાપના બાદ તેના મૂળ મજબૂત કરવામાં ગુજરાતનો સિંહ ફાળો છે. ગુજરાતથી ઈન્ફ્રાસ્ટ્રક્ચરનું નવું રાજકારણ કઈ રીતે થઈ શકે તેનો ઉત્તમ ઉદાહરણ ભારતભરમાં ભાજપે રજૂ કર્યું હતું. જે રાજ્યમાં ભાજપનો અસ્તિત્વ નહોતું અને માત્ર એક લોકસભા બેઠક ભાજપએ હાંસિલ કરી હતી. તેને છેલ્લા બે વખતના લોકસભા ચૂંટણીમાં તમામ 26 બેઠકો હાંસલ કરી છે. કઈ રીતે ભારતીય જનતા પાર્ટીના શીર્ષ નેતાઓ માટે ગુજરાત એક પ્રયોગશાળાની આ અંગે ગુજરાતના વરિષ્ઠ પત્રકાર અને રાજકારણના નિષ્ણાંત નરેશ વરિયાએ વિગતવાર જાણકારી આપી હતી.
1980માં ભાજપ બન્યું : નરેશ વરિયાએ જણાવ્યું હતું કે, ભાજપ વિશ્વની સૌથી મોટી પાર્ટી છે. દેશમાં હાલ ભાજપનું શાસન છે. જેમાં અનેક રાજ્યોની ભૂમિકા છે. જેમાંથી એક ગુજરાત છે. ગુજરાત અગાઉથી જ ભાજપનો પ્રયોગશાળા તરીકે ઓળખાય છે. જનસઘથી જે તેમની જડમૂળથી મજબૂત થઈ હતી. વર્ષ 1980માં ભાજપ બન્યું. ત્યારથી જ ગુજરાતમાં ભાજપનું પગપેસેરો વધ્યો. સૌથી અગત્યની વાત છે કે, ભાજપનું એક માત્ર લોકસભા ચૂંટણીમાં સીટ આવી હતી અને ત્યારે દેશમાંથી બે જ સીટ મળી હતી. ત્યારથી જ ગુજરાતમાં ભાજપની જડો મજબૂત થવા લાગી હતી.
જાતિગત સમીકરણ બન્યા : તેઓએ વધુમાં જણાવ્યું હતું કે, ગુજરાતમાં જ્યારે નરેન્દ્ર મોદીની એન્ટ્રી થઈ ત્યારબાદ ભાજપા દિવસે દિવસે મજબૂત થવા લાગી. જ્યારે ગુજરાતમાં કોંગ્રેસની સરકાર હતી અને માધવ સિંહ મુખ્યપ્રધાન હતા. તેઓએ પોતાના શાસનકાળમાં એક નિર્ણય લીધો. તેને ગુજરાત રાજકારણનો એક ટર્નિંગ પોઇન્ટ માનવામાં આવે છે. તેઓએ ઓબીસી જ્ઞાતિ માટે 27 ટકા અનામતની જાહેરાત કરી હતી. આ નિર્ણયના કારણે ગુજરાતમાં જે પાટીદાર સમાજના લોકો હતા. તેઓ કોંગ્રેસથી નારાજ થયા અને ભાજપ તરફ વળ્યા.
કોંગ્રેસ સાથે રહ્યું તે ભાજપ તરફ વળ્યું : તો બીજી બાજુ ગુજરાતમાં તે વખતે કોમી રમખાણો ખૂબ જ થતા હતા. લોકોની અંદર પણ એક અસુરક્ષા હતી. ત્યારબાદ 1989 રામ જન્મભૂમિ આંદોલન શરૂ થાય છે. જેની શરૂઆત પણ ગુજરાતના સોમનાથ મંદિરથી થાય છે જે અયોધ્યા સુધી યાત્રા જાય છે. આ રીતે ગુજરાતમાં જે પોલરાઇઝેશન થયું જાતિગત સમીકરણ બન્યા. જેના કારણે એક વર્ગ જે હંમેશાથી કોંગ્રેસ સાથે રહ્યું તે ભાજપ તરફ વળ્યું.
