સુરતના નાનપુરા વિસ્તરામાં થયો પથ્થરમારો

સુરતના નાનપુરા વિસ્તારમાં આવેલ માછીવાડમાં નજીવી બાબતે 2 જૂથો વચ્ચે બબાલ થયા બાદ પથ્થર મારો થયો હતો. જો કે, બાદમાં પોલીસે ઘટના સ્થળે પહોંચીને સ્થિતિને નિયંત્રણમાં લીધી હતી.

• માછીવાડમાં 2 જૂથો વચ્ચે પથ્થરમારો
• દારૂ પીધા બાદ પથ્થરમારો
• પોલીસે સ્થિતિ કાબૂમાં લીધી

સુરતઃ શહેરના નાનપુરા વિસ્તારમાં આવેલી માછીવાડમાં આજે રવિવારે સાંજે અચાનક 2 જૂથો વચ્ચે પથ્થરમારો થયો હતો. જો કે, આ પથ્થરમારામાં કોઈ જાનહાની થઇ નથી. મળતી માહિતી મુજબ દારૂ પીવા બાબતે 2 જૂથો વચ્ચે ઉગ્ર બોલાચાલી બાદ પથ્થરમારો કરવામાં આવ્યો હતો. આ પથ્થરમારો થતાં ઘટના સ્થળે પોલીસ અને QRTની ટીમો અને ઉચ્ચ પોલીસે અધિકારીઓ ઘટના સ્થળે પહોંચી હતી. હાલ અઠવા પોલીસનો કાફલો ઘટના સ્થળે ખડકી દેવામાં આવ્યો છે અને સ્થિતિ કાબૂમાં છે.

આ પણ વાંચોઃ સુરતમાં દુકાન બહાર દારૂ પી રહેલા લોકોને દુકાન ધારકે ટોક્યા, દારૂડિયાઓએ કર્યો પથ્થરમારો

આ પથ્થરમારામાં ટુ-વ્હીલ અને ફોર-વ્હીલ ગાડીઓને નુકસાન

સુરતના નાનપુરા વિસ્તારમાં આવેલા માછીવાડમાં નજીવી બાબતે થયેલા 2 જૂથો વચ્ચે પથ્થરમારામાં ટુ-વ્હીલ અને ફોર-વ્હીલ ગાડીઓને ખુબ નુકસાન થયું હતું. ટુ-વ્હીલ પડી ગઈ હતી અને ફોર-વ્હીલના કાચ પણ આ પથ્થરમારા કરવાને કારણે તીટી ગયાં હતાં અને હાલ પોલીસ દ્વારા જે ગાડીઓમાં નુકસાન થયું છે, તે ગાડીઓના નંબર પણ લેવામાં આવ્યા છે.

11 લોકોની અટકાયત કરાઈ

સુરતના નાનપુરા વિસ્તરામાં આવેલા માછીવાડમાં નજીવી બાબતે 2-જૂથો વચ્ચે થયેલા પથ્થરમારામાં જાનહાની થઇ નથી, પરંતુ ટુ-વ્હીલ અને ફોર-વ્હીલના કાચો તૂટી પડ્યા હતા.જેથી પોલીસે આ મુદ્દે 11 લોકોની અટકાયત કરી છે.