ભારત બંધના વિરોધમાં ચૌટા બજાર ખાતે મોટા મંદિર યુવક મંડળ દ્વારા જાહેર સભાનું આયોજન

CAA અને NRCના વિરુદ્ધમાં બહુજન ક્રાંતિ મોરચા દ્વારા ભારત બંધનું એલાન કરવામાં આવ્યું હતુ.જેમાં સુરત શહેરના અન્ય સંસ્થાઓ પણ જોડાયા હતા. CAAના મુદ્દે દુષ્પ્રચાર અને ભારત બંધના વિરોધમાં સુરતના ચોંટા બજાર ખાતે મોટા મંદિર યુવક મંડળ દ્વારા જાહેર સભાનું આયોજન કરવામાં આવ્યું હતું અને બજારમાં ફરી લોકોને બંધ ન રાખવા અપીલ કરવામાં આવી હતી.

સુરતઃ ભારત બંધના એક દિવસ પહેલાં સુરતના ચૌટા વિસ્તારમાં તેના વિરૂદ્ધ જાહેર સભા અને એક રેલીનું આયોજન કરવામાં આવ્યું હતું. આ રેલી સુરતના મોટા મંદિર યુવક મંડળ દ્વારા કાઢવામાં આવી હતી .હાથમાં તિરંગા અને બેનર લઈ લોકોને અપીલ કરવામાં આવી હતી કે, તેઓ સીએના દુષ્પ્રચારમાં ન આવી દુકાનો ચાલુ રાખે. 29 તારીખના રોજ અનેક સંસ્થાઓ દ્વારા CAAના વિરોધમાં વ્યાપાર રોજગાર બંધનું એલાન આપ્યું હતુ. જેનો મોટા મંદિર યુવક મંડળ દ્વારા વિરોધ વ્યક્ત કરી એક જાહેર સભાનું આયોજન કર્યુ હતું.

હિંદુ અને લઘુમતી સમાજના લોકો જોડાયા હતા .કેટલાક મુસ્લિમ સમાજના લોકોએ જણાવ્યું હતું કે, મોટી સંખ્યામાં મુસ્લિમ સમાજના લોકો બંધ રાખશે પરંતુ, કેટલાક એવા લોકો પણ છે. જે બંધ પાળશે નહીં..

લઘુમતી સમાજના લોકોએ જણાવ્યું હતું કે, આ કાયદાથી સમાજના લોકોને નુકસાન નથી અને તેઓની નાગરિકતા પણ જશે નહીં.ઉલ્લેખનીય છે કે, આ બજારમાં મોટી સંખ્યામાં લઘુમતી સમાજના લોકો વેપાર કરે છે. તેઓ કેટલાક સંસ્થાઓને એલાન બાદ બંધ ન પાળે તે હેતુથી મોટા મંદિર યુવક મંડળ દ્વારા આ જાહેર સભાનું આયોજન કર્યું હતું અને CAAના સમર્થનમાં સહી ઝુંબેશ પણ રાખી હતી.