સુરતની જુદી જુદી શાળાના વાલીઓ FRC કચેરી એકઠા થયા હતા. મોટી સંખ્યામાં વાલીઓ એકઠા થઈ FRC સામે વિરોધ નોંધાવ્યો હતો. વાલીઓએ FRC અને FRCના સભ્યો વિરુદ્ધ સુત્રોચાર કરી વિરોધ નોંધાવ્યો હતો. સુરતની 10થી વધુ શાળાના વાલીઓ વિરોધ સાથે એકઠા થયા હતા. શિક્ષણ મંત્રી, FRC અને FRCના સભ્યો વિરુદ્ધ વાલીઓએ નારા લગાવી FRC સભ્યોના પૂતળાનું પ્રદર્શન કર્યુ હતુ.
વાલીઓ શિક્ષણમાં થતા વ્યાપારીકરણને બંધ કરવા માંગ પણ કરી હતી. આ વિરોધ પ્રદર્શનમાં અલગ અલગ વિસ્તારમાં હજારોની સંખ્યામાં વાલીઓ પણ જોડાયા હતા. જ્યારે FRCના સભ્યોએ માત્ર તપાસની વાતો કરી અને 2 શાળાઓ ને ફી વધારવા મુદ્દે નોટિસ ફટકારવાનાની વાત કરી હતી. FRC શાળાઓની મનમાની સામે લાચાર હોય તેવુ લાગી રહ્યું હતું.
સુરતમાં પોતાના બાળકોને સારું ભણતર મળે તે માટે વાલીઓ દિવસ રાત મહેનત કરી રહ્યા છે. પરંતુ સ્કૂલો દ્વારા ફી વધારો કરતા વાલીઓની હાલત કફોડી બની છે. છેલ્લા ઘણા સમયથી વાલીઓ આ મામલે રજૂઆત કરી રહ્યા છે. પરંતુ કોઈ નિવાર્ણ આવ્યો નથી. ત્યારે હવે વાલીઓની આ રજુઆતો કોઈ સાંભળશે કે કેમ તે જોવું રહ્યું કે પછી શિક્ષણના નામે ઉઘાડી લુટ યથાવત રહેશે.
