સુરતમાં હવે કોઈપણ સોસાયટી કે એપાર્ટમેન્ટમાંથી કોરોનાનો કેસ મળશે તો તેને 28 દિવસ માટે કોરેન્ટાઇન કરવામાં આવશે

દેશભરમાં કોરોના વાયરસને કાબુ કરવામાં સુરત શહેરનો રીકવરી રેટ જે 70 ટકા થયો છે. કુલ 985 દર્દીઓને સાજા થયા છે. શહેરમાં શુક્રવારના રોજ કુલ 1450 કેસો થયા છે. કુલ 65 દર્દીના મૃત્યુ નોંધાયા છે. જયારે મૃત્યુમાં 50 ટકા કરતા વધુ વૃદ્ધ દર્દીઓ છે. 4.6 ટકા મૃત્યુ દર છે. પોઝિટિવ કેસો પૈકી સૌથી વધુ સુરતના લિંબાયત ઝોનમાંથી કેસો સામે આવ્યા છે.

સુરત : હાલ 7406 લોકો હોમ કોરોન્ટાઇન અને વિકેન્દ્રિત કોરોન્ટાઇન સેન્ટરમાં 534 લોકો છે. સમરસ ખાતે કોવિડ કેર સેન્ટરમાં 64 લોકો છે. 1697 જેટલી ટીમો ડોર ટુ ડોર સર્વેલન્સ માટે કાર્યરત છે. સ્લમ વિસ્તારોમાં કુલ 40 ફિવર ક્લિનીક ચાલુ કરવામાં આવ્યા છે. મોબાઈલ ફિવર ક્લિનીકમાં સૌથી વધુ લોકો નિદાન તપાસ માટે જતાં હોવાથી તેની સંખ્યા વધારવામાં આવશે. 60 જેટલી રિક્ષા દ્વારા કોવિડ અંગે જાગૃત્તિ લાવવામાં આવી રહી છે.

કેન્દ્ર સરકારના જણાવ્યા પ્રમાણે કોરોનાના માઈલ્ડ લક્ષણો હોય તો ઘરે પણ સારવાર કરી શકાય છે, અને ઘરે આઈસોલેટ થઈ શકાય છે. 43000 લોકોને એક જ દિવસમાં હોમિયોપેથીક દવાનું વિતરણ કરવામાં આવ્યું છે. જે દુકાનો સોશ્યિલ ડિસ્ટન્સ સહિતના નિયમોનું પાલન ન કરતી હતી. તેવી 126 દુકાનને આજ રોજ બંધ કરાવવામાં આવી હતી. કોઈ પણ સોસાયટી કે એપાર્ટમેન્ટમાંથી કેસો મળશે તો તેને 28 દિવસ માટે કોરોન્ટાઈન કરવામાં આવશે. અત્યાર સુધી 7,10,000 કરતા વધુ લોકોને સુરતથી પ્રવાસીઓને પોતાના વતન મોકલવામાં આવ્યા છે. સુરત મહાનગરપાલિકાએ સાત ઝોનમાં 17 જૂના ક્લસ્ટરમાંથી 2 રદ્દ કર્યા અને બે નવા ક્લસ્ટર બનાવ્યા. 15 ક્લસ્ટર રિસ્ટ્રક્ચર કરીને નાના કર્યા. અગાઉ આ 17 ક્લસ્ટરમાં 1.47 લાખ ઘરોમાં 6.70 લાખ લોકો કોરોન્ટાઈન હતા. હવે માત્ર 88,516 ઘરોમાં 4.09 લાખ લોકો કોરોન્ટાઈન રહેશે. નવી યાદી આ પ્રમાણે છે.