બારડોલી: બે કલાકમાં અઢી ઇંચથી વધુ વરસાદ નોંધાયો

Published : Oct 17, 2020, 7:35 PM IST

બારડોલી તાલુકામાં આજે શનિવારે બપોર બાદ વાતાવરણમાં અચાનક પલટો આવ્યો હતો અને વરસાદ શરૂ થયો હતો. ગાજવીજ અને પવનના સુસવાટા સાથે શરૂ થયેલા વરસાદે જનજીવનને પણ પ્રભાવિત કર્યું હતું. તાલુકામાં 2 કલાકમાં 2.6 ઇંચ વરસાદ નોંધાયો હતો.

બારડોલીમાં વરસાદ

બારડોલીમાં ભારે વરસાદ પડ્યો
2 કલાકમાં નોંધાયો અઢી ઈંચથી વધુ વરસાદ
રસ્તાઓ પર પાણી ભરાયા

બારડોલી: સુરત જિલ્લાના બારડોલીમાં આજે શનિવારે બપોર વાતાવરણમાં પલટો આવ્યો હતો અને વરસાદ થરૂ થયો હતો. અચાનક થરૂ થયેલા વરસાદને કારણે ડાંગરના પાકને નુકસાન થયું હોવાની માહિતી મળી છે. બારડોલીમાં 2 કલાકમાં લગભગ 2.6 ઇંચ વરસાદ નોંધાયો હતો.

બારડોલી બે કલાકમાં અઢી ઇંચથી વધુ વરસાદ નોંધાયો

ખેતરના પાકને નુકસાન

ધોધમાર વરસાદને કારણે રસ્તાઓ પર પાણી વહેતા થઈ ગયા હતા. ખેતરમાં તૈયાર પાકને મોટું નુકસાન થયું હોવાનું જાણવા મળ્યું છે. ઉલ્લેખનીય છે કે, ચાલુ સિઝનમાં સારા વરસાદને કારણે ખેતરોમાં ડાંગરનો પાક તૈયાર હતો, જેને અચાનક પડેલા વરસાદથી નુકસાન થયું છે. જોકે, વરસાદને કારણે વાતાવરણમાં ઠંડક પ્રસરી ગઈ હતી.