હિંદુ વૈરાગી બાવા સમાજની બ્રેનડેડ ખુશી મહેભાઈ દુધરેજીયાના પરિવારે તેનાં હૃદય, કિડની, લિવર અને ચક્ષુઓનું દાન કરી 6 વ્યક્તિઓને નવજીવન બક્ષી માનવતાની મહેક ફેલાવી સમાજને નવો માર્ગ બતાવ્યો છે.
સુરતની ખુશીએ મૃત્યુ બાદ 6 લોકોને ખુશી આપી! વાંચો આ વિશેષ અહેવાલ... સુરતથી મુંબઈનું 291 કિલોમીટરનું અંતર 110 મિનીટમાં કાપીને હ્રદયનું ટ્રાન્સપ્લાન્ટ યમન દેશની 24 વર્ષીય યુવતીમાં મુંબઈની ગ્લોબલ હોસ્પિટલમાં કરવામાં આવ્યું.ડોનેટ લાઈફ તેમજ સમગ્ર સમાજ સ્વ. ખુશી મહેભાઈ દુધરેજીયાના પરિવારને તેમના આ પવિત્ર કાર્ય થકી સમાજને ઉમદા ઉદાહરણ પૂરું પાડવા માટે આભાર વ્યક્ત કર્યો છે. સુરત અને દક્ષિણ ગુજરાતમાંથી ડોનેટ લાઈફ દ્વારા 353 કિડની, 142 લીવર, 7 પેન્ક્રીઆસ, 25 હૃદય, 4 ફેફસાં અને 258 ચક્ષુઓ કુલ 789 અંગો અને ટીસ્યુઓનું દાન મેળવીને 725 વ્યક્તિઓને નવુંજીવન અને નવી દ્રષ્ટી બક્ષવામાં સફળતા મળી છે.
