પ્રથમવાર એકસાથે 3 જગ્યા પરથી 100થી વધુ મુમુક્ષો દીક્ષા લઇ સંયમનો માર્ગ અપનાવશે

સુરત: દીક્ષા નગરી સુરતમાં ઐતિહાસિક અને વિશ્વમાં પ્રથમવાર એકસાથે ત્રણ જગ્યા પરથી 100થી વધુ મુમુક્ષો દીક્ષા લઇ સંયમનો માર્ગ અપનાવશે.આ દીક્ષા કાર્યક્રમમાં એક સાથે 6 પરિવાર દીક્ષા લેશે, ત્યારે 20થી વધુ આવા યુવક-યુવતીઓ છે કે, જેઓ ગ્રેજ્યુએટથી લઈ CAકરી ચૂક્યા છે અને કોઈ ડાયમંડ અને ટેકસટાઇલના પરિવારમાંથી છે, તો કોઈ હાઈપ્રોફાઈલ જોબ કરે છે.

1 લી ફેબ્રુઆરી સુરતમાં જૈન ધર્મ માટે ખૂબ જ અગત્યનો પ્રસંગ રહેશે. કારણ કે, આ દિવસે સુરત ખાતે સૌથી વધુ મુમુક્ષો દીક્ષા લેવા જઈ રહ્યા છે. સુરતના વેસુ વિસ્તારમાં આચાર્ય વિજય શ્રેયાંશપ્રભૂસુરીશ્વરજીના સાનિધ્યમાં 71 મુમુક્ષુ જ્યારે પાલ રામ પાવન ભૂમિ ખાતે આચાર્ય અભયદેવસૂરીશ્વરજીના સાનિધ્યમાં 5 મુમુક્ષુ ત્યારે પાલ ઓમકાસુરી આરાધના ભવન ખાતે 22 મુમુક્ષુઓ આચાર્ય શ્રીયશોવીજયસુરીશ્વરજીના સાનિધ્યમાં દીક્ષા લેશે.

પ્રથમવાર એકસાથે 3 જગ્યા પરથી 100થી વધુ મુમુક્ષો દીક્ષા લઇ સંયમનો માર્ગ અપનાવશે

સુરતમાં યોજનારી આ ઐતિહાસિક દીક્ષા સમારોહમાં 10થી લઇ 84 વર્ષના ભાઈ બહેનો છે. જેમાંથી 10 થી 17 વર્ષના 17 લોકો, 18 થી 45 વર્ષના 40 અને 40થી વધુ ઉંમરના તમામ લોકો છે.

પ્રથમવાર એકસાથે 3 જગ્યા પરથી 100થી વધુ મુમુક્ષો દીક્ષા લઇ સંયમનો માર્ગ અપનાવશે

આ દીક્ષા કાર્યક્રમમાં 20થી વધુ એવા યુવાનો છે. જે ગ્રેજ્યુએશન કરતાં વધુ ભણતર ધરાવે છે અને એમાં કેટલાક CA અને હાઇ પ્રોફાઇલ જોબ કરે છે. આ દીક્ષા સમારોહમાં 8, 50થી વધુ જૈન સાધુ-સાધ્વીઓ હાજર રહેશે.

528 વર્ષ બાદ ભારતમાં આટલી મોટી સંખ્યામાં દીક્ષા લેવાશે. આ તમામ લોકો દેશના આંધ્રપ્રદેશ, મધ્યપ્રદેશ, રાજસ્થાન, મહારાષ્ટ્રથી સુરત આવશે. આ દીક્ષાંત સમારોહમાં 9 જેટલા લોકો સુરતથી છે. દીક્ષા સમારોહ જોવા માટે 50 હજારથી વધુ લોકો હાજર રહેશે. જેમાં દેશ-વિદેશના લોકો સામેલ છે. સૌથી અગત્યની વાત છે કે, આ દીક્ષાંત સમારોહમાં 6 એવા પરિવાર છે. જે તમામ સભ્યોની સાથે દીક્ષા લેશે. જેમાં સુરતના ડાયમંડ ઉદ્યોગ સાથે સંકળાયેલો પરિવાર પણ છે.