સુરત : સુરતમાં દિવસે દિવસે આગ લાગવાની ઘટનામાં વધારો થઈ રહ્યો છે, ત્યારે આજરોજ ફરીથી આગ લાગવાની ઘટના સામે આવી છે. શહેરના ઉધના વિસ્તારમાં આવેલ બીઆરટીએસ બસ સ્ટેન્ડમાં અચાનક કોઈ કારણોસર આગ લાગતા દોડધામ મચી ગઈ હતી. આગ જોતાની સાથે જ લોકોનું ટોળું પણ એકઠું થઈ ગયું હતું અને તાત્કાલિક ફાયર વિભાગને જાણ કરતા ફાયર વિભાગની ટીમ ઘટના સ્થળે પહોંચીને આગ પર કાબુ મેળવ્યો હતો. જોકે આ ઘટનામાં કોઈ પ્રકારની જાનહાની થઈ ન હતી.
ઘટનામાં કોઈ પ્રકારની જાન હાની થઈ નથી : આ બાબતે ફાયર ઓફિસર જય ગઢવી એ જણાવ્યું હતું કે, 1:54 એ અમને કોલ આવ્યો હતો કે, ઉધના બીઆરટીએસ બસ સ્ટેન્ડમાં અચાનક આગ લાગી છે. જેથી અમે ત્યાં પહોંચ્યા હતા અને અમારી સાથે ભેસ્તાન ફાયર વિભાગની ગાડી પણ ત્યાં પહોંચી હતી. આગના ગોટેગોટા ઉપર ઉડી રહ્યા હતા. જેથી આગ વધુ વિકરાળ બને તે પહેલા અમે બસ સ્ટેન્ડને ચારેબાજુથી ઘેરી લીધો હતો. એટલેકે બસ સ્ટેન્ડની બંને બાજુથી બબ્બે ગાડી ઉભી રાખવામાં આવી હતી. લગભગ 30 મિનિટમાં જ આગ પર કાબુ મેળવી લેવામાં આવ્યો હતો. આ ઘટનામાં કોઈ પ્રકારની જાન હાની થઈ નથી. આગ કયા કારણોસર લાગી છે તે હજી સુધી જાણી શકાયું નથી. હાલ કુલિંગની કામગીરી પણ પૂર્ણ થઈ ચુકી છે.
આ પણ વાંચો : Four children died in fire: ઉનાના આંબામાં ઝૂંપડપટ્ટીમાં લાગી આગ, 4 બાળકોના મોત
થોડા મહિનાઓ પેહલા જ સૉર્ટસર્કિટથી આગ લાગી હતી : વધુમાં જણાવ્યું હતું કે, ઘટના સ્થળ ઉપર આગ લાગતા જ તો ટોળું પણ એકઠું થઈ ગયું હતું, પરંતુ ત્યાં ઉધના પોલીસનો કાફલો પોંહચતા લોકોને પોલીસે દૂર કર્યા હતા. હાલ તો આગ કારણોસર લાગી છે તે હજી સુધી જાણી શકાયું નથી. આજ બસ સ્ટેન્ડ પર થોડા મહિનાઓ પેહલા જ સૉર્ટસર્કિટથી આગ લાગી હતી. ત્યારે આગ નાની હોવાથી સ્થાનિકો દ્વારા જ આગ ઉપર કાબુ મેળવામાં આવ્યું હતું.
આ પણ વાંચો : Vadodara Fire Accident: કોયલી ગ્રામ પંચાયતની કચેરીમાં ભીષણ આગ
