સુરતમાં પોલીસ કમિશ્નરે ટેક્સટાઇલ માર્કેટમાં સાંજે 7થી રાત્રિના 9 સુધી ટેમ્પો માટે પ્રતિબંધ હટાવ્યો

સુરતમાં ટેમ્પો એશોસિએશન દ્વારા દ્વારા કરર્ફ્યૂના લીધે ટેમ્પો ચાલકોને તકલીફ ઉભી થવાની કમિશ્નરને રજૂઆત કરવામાં આવી હતી. આ અંગે રજૂઆત સાંભળીને કમિશ્નરે ટેક્સટાઇલ માર્કેટમાં સાંજે 7થી રાત્રિના 9 સુધી ટેમ્પો માટે પ્રતિબંધ હટાવ્યો છે.

• ટેક્સટાઇલ ટેમ્પો એસોસિએશન દ્વારા કમિશ્નરને રજૂઆત
• સાંજે ૭થી ૯ વાગ્યા સુધી પ્રતિબંધ હટાવવાની રજૂઆત
• કમિશ્નરે માર્કેટમાં ટેમ્પો માટે સાંજે 7થી રાત્રિના 9 સુધી પ્રતિબંધ હટાવ્યો

સુરત : એશિયાની સૌથી મોટી સુરતની ટેક્સટાઇલ માર્કેટ કાપડ માર્કેટ ગણાય છે. આ માર્કેટમાં મોટી સંખ્યામાં ટ્રાફિકની સમસ્યા સર્જાતી હતી. જોકે, તેના ભાગરૂપે સુરત પોલીસ દ્વારા જાહેરનામું બહાર પડાયું હતું અને સાંજે 7થી 9 માટે ટેમ્પો પર ટેક્સટાઇલ વિસ્તારમાં પ્રતિબંધ મૂકવામાં આવ્યો હતો.

માલની હેર-ફેર માટે ટેમ્પો ચાલકોને તકલીફ ઉભી થતી

કોરોનાને કારણે સુરતમાં સાંજે 9 વાગ્યાથી સવારે 6 વાગ્યા સુધી કરર્ફ્યૂ લગાવવામાં આવ્યું છે. જેના પગલે કાપડ માર્કેટમાં માલની હેરા-ફેરી માટે ટેમ્પો ચાલકોને તકલીફ ઊભી થતી હતી અને મજૂરોની રોજીરોટી પણ છિનવાઈ રહી હતી.

કમિશ્નરે સાંજે 7થી 9 માટેની મંજૂરી આપી

સાઉથ ગુજરાત ટેકસટાઇલ ટેમ્પો સ્ટેશન દ્વારા સુરત પોલીસ કમિશ્નરને આ અંગે રજૂઆત કરવામાં આવી હતી. પોલીસ કમિશ્નરે ટેમ્પો એસોસિએશને સાંજે 7થી 9 માટેની મંજૂરી આપી છે.