સુરત: ડાયમંડ યુનિટમાં કામ કરતા એક હજારથી વધુ રત્નકલાકારોનો કોરોના રિપોર્ટ પોઝિટિવ આવ્યા છે. જેને લઇને રત્નકલાકાર સંઘ પ્રમુખ જયસુખભાઇ ગજેરા દ્વારા સુરતના તમામ ધારાસભ્યો તથા સાંસદોને આવેદનપત્ર આપવામાં આવ્યું હતું. આ આવેદનપત્રમાં કોરોનાથી મોત નીપજનારા રત્નકલાકારોના પરિવારને રૂપિયા 5 લાખની સહાય કરવામા આવે, આ ઉપરાંત રત્નકલાકારો માટે રુપિયા એક હજાર કરોડના સહાયની જાહેરાત કરવામા આવે તેવી માગ કરવામાં આવી છે.
કોરોનાથી મોત નીપજનાર રત્નકલાકારોના પરિવારને રૂપિયા 5 લાખની સહાય આપવા માગ
તેઓએ વધુમાં જણાવ્યું હતું કે, જો લઠ્ઠાકાંડમા મોત નીપજનારા શખ્સના પરિવારને સહાય કરવામા આવતી હોય તો કોરોનાથી મોત નીપજનારા રત્નકલાકારના પરિવારને શા માટે સહાય ન આપવામા આવે, જો આવેદનપત્ર બાદ પણ કોઇ નકકર કામગીરી નહીં કરવામાં આવે તો આગામી સમયમાં રત્નકલાકાર સંઘ દ્વારા જવલ્લન આંદોલન છેડવામા આવશે તેની ચીમકી ઉચ્ચારવામાં આવી હતી.
