રાજસ્થાનથી મોકલાયેલા લાખોની ચલણી નોટોના રેકેટનો પર્દાફાશ સુરત પુણાગામ પોલીસે કર્યો છે. વાહન ચેકિંગ દરમિયાન રાજસ્થાનથી આવેલી રાઠોડ ટ્રાવેલ્સની સ્લીપર કોચમાં કતારગામના રહીશ પાસેથી 2000, 500, 200 અને 100ની કુલ 3.38 લાખની 642 નંગ જાલીનોટ ઝડપી લીધી હતી. મૂળ રાજસ્થાનના શખ્સને વતન જાલોરથી મિત્ર આ જાલી નોટોનો જથ્થો સુરતના અડાજણમાં એક વ્યક્તિને પહોંચાડવા આપ્યો હતો. પોલીસ જ્યારે નિયોન ચેકપોસ્ટ પર વાહન ચેકિંગ કરી રહ્યા હતા, ત્યારે અહીંથી પસાર થતી ટ્રાવેલ્સની લક્ઝરી બસ નંબર RJ 19 PB 6938માં તપાસ કરાઈ હતી. જ્યાં સીટ નંબર બે પર બેસેલા મુસાફરની બેગ ચેક કરાતા ચલણી નોટો મળી આવી હતી.
સુરતમાં રાજસ્થાનથી 3.38 લાખની નકલી ચલણી નોટો લાવતો ઈસમ ઝડપાયો સીટ નંબર બે પર બેસેલા મુસાફરની બેગ ચેક કરાવતા તેમાં મુકેલી સફેદ કલરની કાપડની થેલીમાંથી આ બોગસ નોટો મળી આવી હતી. પુણા પોલીસના જણાવ્યા મુજબ ચુનીલાલ મંગલા રામ સુથાર કે, જે સુરતના કતારગામ વિસ્તારમાં રહે છે. તેની ધરપકડ કરાઈ છે. સુરતમાં ફેબ્રીકેશનનું કામ કરતા ચુનીલાલ સુથાર પાસેથી 2000ની 14, 500ના દરની 17, 200ની 9 અને 100ની 2 મળી કુલ 642 નકલી નોટ મળી આવી હતી. જે પોલીસે કુલ 3.38 લાખ કિંમતની ડુપ્લીકેટ નોટ તથા આરોપીનો મોબાઇલ કબજે લઇ તપાસ આદરી છે.પૂછપરછમાં આરોપીએ જણાવ્યું હતું કે, તેના મિત્ર રમેશ ચૌધરીએ આ બેગ તેને અડાજણમાં રહેતા એક મિત્રને આપવાનું જણાવ્યું હતું. આ સમગ્ર ઘટનામાં અત્યાર સુધી રાજસ્થાનના રમેશ ચૌધરી વોન્ટેડ જાહેર કરાયા છે. જેની શોધખોળ કરવા માટે આરોપી ચુનીલાલની રિમાન્ડ લેવા પોલીસે તજવીજ હાથ ધરી છે.
