સુરતઃ શહેરના વરાછા વિસ્તારમાં થયેલા 1 કરોડથી વધારે રૂપિયાના ગોલ્ડ ડસ્ટ ચોરીનો ભેદ સુરત ક્રાઈમ બ્રાન્ચે ઉકેલી કાઢ્યો છે. પોતાના કારીગરે જ પૂર્વ માલિકને કરોડો રૂપિયાનો ચુનો લગાવ્યો હતો.
આ ઘટનામાં પોલીસે 9 આરોપીઓની ધરપકડ કરી છે. આરોપીઓ કરોડો રૂપિયાની ચોરી કરી તેઓ પોતાના વતન ભાગી જવાના ફિરાકમાં હતા. જો કે પોલીસે તેઓની આ ઇચ્છા પર પાણી ફેરવી દીધુ હતુ અને તેઓને જેલ ભેગા કર્યા હતા. વરાછા વિસ્તારમા આવેલી ડેઝલ જવેલર્સમા રાત્રિના દરમિયાન અજાણ્યા શખ્સો દ્વારા લોખંડની જાળી તોડી રૂપિયા 1.41 કરોડના સોનાના ડસ્ટની ચોરી કરી નાસી છૂટયા હતા. કરોડો રૂપિયાની ચોરીના પગલે શહેરની તમામ પોલીસ દોડતી થઇ હતી. ત્યારે બીજી તરફ ક્રાઇમબ્રાંચ દ્વારા પણ આરોપીને ઝડપી પાડવા માટે સીસીટીવી ફુટેજના આઘારે તપાસ હાથ ધરી હતી. જે ફુટેજ અને બાતમીના આઘારે ચોરી કરનાર ગેંગના 9 આરોપીઓને ઝડપી પાડયા હતા.
આ ઉપરાંત ચોરી કરવા માટે કારખાનામા કઇ રીતે જઇ શકાય. આ ચોરી કરવા માટે તેઓએ દિલ્હીથી અરમાન મંડલને સુરત બોલાવ્યો હતો. બાદમા અન્ય આરોપીઓ સાથે મળી તેઓએ ચોરીનો પ્લાન ઘડી કાઢયો હતો. અગાઉ 2 ફેબ્રુઆરીના રોજ આ તમામ આરોપીઓ દ્વારા આ કારખાનામા ચોરીનો પ્રયાસ કર્યો હતો. જો કે કારખાનાની જાળી તુટી ન શકતા તેઓ ત્યાથી ભાગી છૂટ્યા હતા. બાદમા ફરી તેઓ દ્વારા સમગ્ર પ્લાન ઘ઼ડી કાઢવામા આવ્યો હતો અને 15મી ફેબ્રુઆરીના રોજ ચોરીની ઘટનાને કઇ રીતે અંજામ આપવો તે અંગે માસ્ટર પ્લાન ઘડી કાઢયો હતો.
રાત્રિ દરમિયાન કારખાનાની પાછળના ભાગમા આવેલી જાળી તોડી રૂપિયા 1.41 કરોડના ગોલ્ડ પાઉડરની ચોરી કરી તેઓ ભાગી છૂટ્યા હતા. બાદમા મહિધરપુરા ખાતે રહેતા આરોપીઓના ઘરમા ગોલ્ડ પાઉડર ગાળી લાકડી બનાવી દીધી હતી જેને વેચીને રૂપિયા 1.88 લાખ મેળવી લીધા હતા. બાદમા અન્ય લાકડી વેચવાની તેઓ ફરીકમા ફરી રહ્યા હતા. તમામે ગોલ્ડ દસ્તને સોનાની લાકડી બનાવી દીધી અને વેચવા માટે તૈયારી કરી એક સોનાની લાકડી વહેચી પણ દીધી હતી.
જે રીતે ફરિયાદમા રૂપિયા 1.41 કરોડનો ઉલ્લેખ કરવામા આવ્યો છે, જો કે બીજી તરફ પોલીસ દ્વારા મેળવાયેલો મુદ્દામાલ રૂપે રૂપિયા 28 લાખનો 10 સોનાની લાકડી જ થાય છે. આરોપીઓ દ્વારા સ્વીકાર કરવામા આવ્યો છે કે, તેઓ દ્વારા ચોરી કરવામા આવેલ ગોલ્ડ પાઉડરમાંથી આટલા જ મુદ્દામાલની લગડી બની છે. હવે જોવાનુ રહ્યુ કે, ફરિયાદી દ્વારા આપવામા આવેલી ફરિયાદની રકમ ખોટી છે કે પછી આરોપી જુઠ્ઠાણુ ચલાવી રહ્યા છે.
