ઝાડ પર લટકતો આ મૃતદેહ કોઇ હોરર ફિલ્મનું દ્રશ્ય નથી. આ એક પરિવારની ન્યાય માટેની લડતનું પ્રમાણ છે. કોઇ જીવીત વ્યક્તિ ન્યાય માટે જંગે ચડે તે તો સામાન્ય ઘટના છે પરંતુ આ તો છેલ્લા આઠ માસથી ન્યાય માટે આ મૃતદેહ અહીં ઝુલે છે. ખેડબ્રહ્માના ટાઢીવેડી ગામે છેલ્લા આઠ મહિનાથી આ મૃતદેહ પોતાની સાથે થયેલા અન્યાય સામે લડત આપી રહ્યો છે. ખરેખર, ખેડબ્રહ્માના આંજણી ગામે કામ કરતાં યુવકનો આત્મહત્યા કરેલી હાલતમાં મૃતદેહ મળી આવ્યો હતો. પોલીસનું કહેવું છે કે તે આત્મહત્યાનો બનાવ છે પરંતુ પરિવારજનોનો આક્ષેપ છે કે તે હત્યા છે.
ગામલોકોએ આ રીતે મૃતદેહ લટકાવી રાખી પોતાની વારસાગત પરંપરા ચડોતરુ કરી ન્યાય મેળવવાની જીદ કરી છે.
આ બાબતે સ્થાનિક પોલીસે પોસ્ટમોર્ટમ પ્રમાણે ગુનાની નોંધ કરી અને તપાસ હાથ ધરી હોવાનું જણાવ્યું છે. પોલીસ પણ આ સમગ્ર મામલો ત્વરીત પૂરો થાય તેવી અપેક્ષા રાખી રહી છે.
