સાબરકાંઠામાં મૂંછાળા મગનભાઈ બન્યા લોકસભા ચૂંટણીના ઉમેદવાર

સાબરકાંઠાઃ ચૂંટણી દરમિયાન આમ તો ઉમેદવારો પોતાના પક્ષથી અથવા પોતાના કાર્યોથી જાણીતા હોય છે. પરંતુ સાબરકાંઠા લોકસભાની ચૂંટણીમાં એક ઉમેદવાર એવા પણ છે કે, જેઓ પોતાની મૂછોને લઈને ખૂબ જ પ્રખ્યાત છે.

સાબરકાંઠા લોકસભા ચૂંટણીના અપક્ષ ઉમેદવાર મગન સોલંકી તેમની મૂછોને લઈને ચર્ચામાં છે. મગનભાઈને તેમની મૂછો પ્રત્યે અનેરો લગાવ છે. તેઓ રોજ મૂછો પર તેલ લગાવે છે.હાલ તેમની મૂછો બન્ને બાજુ 2.5 ફૂટની છે. તેઓ સૈન્યમાં હતા, અને હાલ એક નિવૃત સૈનિક તરીકે જીવન વિતાવે છે. તેઓ સૈન્યમાં હતા, ત્યારથી જ તેમને મોટી મૂછો રાખવાનો શોખ જાગ્યો હતો. હાલ તેમણે અપક્ષ ઉમેદવાર તરીકે ચૂંટણીમાં ઉમેદવારી નોંધાવી છે. મગનભાઈએ તેમના રાજકીય અભિગમ અને મૂછો પ્રત્યેના લગાવ વિશે પણ જણાવ્યું હતું. તો આવો આપણે મગનભાઈ પાસેથી તેમના રાજકીય અભિગમ અને મૂછો પ્રત્યેના લગાવ વિશે જાણીએ...