સાબરકાંઠા : સાબરકાંઠાના પ્રાંતિજના બાલીસણા ગામે અમદાવાદથી પોતાના વતન બાલીસણા આવેલા પરિવાર દ્વારા છેલ્લા કેટલાક સમયથી હોમકોરોન્ટાઈનનો ભંગ થઈ રહેલો હોવાના પગલે આરોગ્યકર્મીઓની દ્વારા સમજાવટ કરવા જતાં સ્થાનિક પરિવાર દ્વારા હુમલો કરાયો હતો. જેના પગલે આરોગ્યકર્મી દ્વારા પ્રાંતિજ પોલીસ મથકથી 3 સામે પોલીસ ફરિયાદ નોંધાઇ છે.
આ બનાવના પગલે જિલ્લામાં ઘેરા પ્રત્યાઘાત પડયા છે. જો કે, આ મામલે હજુ સુધી સ્થાનિક પોલીસ દ્વારા કોઇ ઠોસ પગલાં લેવાયા નથી. સાથોસાથ આગામી સમયમાં આ મામલે પગલાં નહીં લેવાય તો સ્થિતિ વધુ વણસી શકે તેમ છે.
