બપોરે 1 વાગ્યા બાદ કાઢવામાં આવેલલ અંતિમયાત્રામાં રાજ્યના મુખ્યપ્રધાન વિજય રૂપાણી, કેબિનેટ પ્રધાનો, ધારાસભ્યો, સાંસદો સહિતના રાજકીય અગ્રણીઓ અને પાટીદાર સમાજના આગેવાનો જોડાયા છે. સાથે ખેડૂત સમાજ પણ તેના વ્હાલસોયા નેતાને વિદાય આપવા માટે હાજર રહ્યા છે.
વિઠ્ઠલ રાદડીયાની અંતિમયાત્રામાં હજારો લોકો જોડાયા
જામકંડોરણાની લેઉવા પટેલ કન્યા છાત્રાલયમાં રાદડીયાનો પાર્થિવ દેહના દર્શન કરવા અનેક રાજકીય, સહકારી ક્ષેત્રના અગ્રણીઓ, ખેડૂતો અને કાર્યકર્તાઓએ લાંબી કતાર લગાવી છે. જામકંડોરણાના ગ્રામજનો રાદડીયાના દુ:ખદ અવસાનને લઈ ઘેરા શોકમાં છે. આજે જામકંડોરણાને તેમની યાદમાં સજ્જડ બંધ રાખવામાં આવ્યું છે.
