રાજકોટઃ શહેરમાં વહેલી સવારથી ધોધમાર વરસાદના કારણે નીચાણવાળા વિસ્તારોમાં પાણી ભરાયા હતા. જેને લઇને રાજકોટની વર્ષો જૂની પરા બજારમાં પણ ગોઠણ સુધીના પાણી ભરાયા હતા. પાણી ભરાઇ જવાના કારણે દુકાનદારો દુકાન પણ ખોલી શક્યા ન હતા.
રાજકોટ શહેરના પરા બજારમાંથી નદી નીકળતી હોય તેવા દ્રશ્યો જોવા મળ્યા હતા. બજારની મોટાભાગની દુકાનોમાં ભારે વરસાદના કારણે પાણી ભરાઇ ગયા હતા. આ વીડિયો હાલ સોશિયલ મીડિયામાં વાયરલ થઈ રહ્યા છે.
રાજકોટના પરા બજારમાં વરસાદી પાણીની નદીનો વીડિયો વાયરલ
ઉલ્લેખનીય છે કે, રાજ્યમાં વિવિધ જિલ્લાઓમાં રવિવારથી 3 દિવસ દરમિયાન ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. જે કારણે રાજ્યભરમાં ભારે વરસાદ વરસે તેવી શક્યાતાને પગલે તંત્ર ખડેપગે કામગીરી કરી રહ્યું છે.
