ધોરાજી નગરપાલિકાના તમામ વેરાઓ ભરવા છતાં વોર્ડ નં- 8 નાભીરાજ સોસાયટી અને રેલ્વેના પાટા પાછળનો વિસ્તાર જેમાં પછાત વર્ગના લોકો છેલ્લા ઘણાં વર્ષોથી રહે છે પણ તેમ છતાં નગરપાલિકા દ્વારા સુવિધાઓ આપવાંમાં નિષ્ફળ નીવડી છે. લોકોનું એવું કહેવું છે કે, જ્યારે મત જોતા હોય ત્યારે રાજકીય આગેવાનો દેખાય છે પણ જીત્યા બાદ અહીં ફરકતાં પણ નથી અને અમારે લાચારી વેઠવી પડે છે. નથી રોડ રસ્તા, સ્ટ્રીટલાઈટ અને સાફ સફાઈ તથા લોકોને જીવવા માટે પાણીની સુવિધા જે અત્યંત જરૂરી છે તે જ મળતી નથી.
સ્થાનિક આગેવાનો રાજકીય આગેવાનો તથા જવાબદાર તંત્રને અનેક વખત રજુઆત કરવા છતાં નિરાકરણ આવતું નથી જેથી નાનાં બાળકો કે વૃધ્ધો તથા મહીલાઓને પીવાનું પાણી ભરવા માટે રેલ્વેના પાટા ક્રોસ કરીને જવું પડે છે. લોકો જીવના જોખમે પાણી ભરવા માટે પરેશાની વેઠવી પડે છે. ત્યારે ત્યાંના સ્થાનિક લોકો દ્વારા રોડ રસ્તા સાફ સફાઈ અને પાણી પ્રશ્ને નગરપાલિકા વિરૂધ્ધ સુત્રોચ્ચાર કર્યા હતાં.
પાણી આપો પાણી આપોના નારા લગાડીને રોષ વ્યકત કર્યો હતો અને મહીલાઓ દ્વારા પોતાની પાણી માટેની વ્યથા ઠાલવી હતી. સરકાર ગરીબ લોકો માટે અનેક યોજનાઓ માટે બણગાં ફૂકતા હોય છે, પણ વાસ્તવમાં પરિસ્થિતિ અલગ જેવાં મળે છે. ત્યારે આ બાબતે નગરપાલિકા ઉપપ્રમુખ મકબુલ ગરાણા સાથે વાત કરતા તેઓએ એવું જણાવેલ કે, મીડીયાના માધ્યમ દ્વારા જાણવા મળ્યું છે અને વોર્ડ નં 8 નાભીરાજ સોસાયટી અને પાટા પાછળનો વિસ્તારની જે તકલીફ અને પરેશાની પાણી માટે વેઠવી પડે છે તેનો નીવેડો યોગ્ય અને વહેલી તકે વ્યવસ્થા કરવામાં આવશે એવું જણાવેલ છે.
